എം.ഡി.എം.എയുമായി കോളജ് പ്രിൻസിപ്പൽ അറസ്റ്റിൽ
വൈത്തിരിയിൽനിന്നും എം.ഡി.എം.എയുമായി കോളജ് പ്രിൻസിപ്പലിനെ പൊലീസ് അറസ്റ്റ് ചെയ്തു. പുൽപ്പള്ളി ജയശ്രീ കോളജ് പ്രിൻസിപ്പൽ ജയരാജ് (49) ആണ് അറസ്റ്റിലായത്. മയക്കുമരുന്ന് കടത്താൻ ഉപയോഗിച്ച വാഹനവും കസ്റ്റഡിയിലെടുത്തു. ഷർട്ടിന്റെ പോക്കറ്റിൽനിന്നാണ് മയക്കുമരുന്ന് കണ്ടെടുത്തത്. ഇന്നലെ രാത്രി വൈത്തിരി പൊലീസ് വാഹന പരിശോധനക്കിടെയാണ് ഇയാളെ പിടികൂടിയത്.
