ആർആർആർ ഛായാഗ്രാഹകൻ കെ.കെ സെന്തിൽ കുമാറിന്റെ ഭാര്യ അന്തരിച്ചു
പ്രശസ്ത തെന്നിന്ത്യൻ സിനിമാ ഛായാഗ്രാഹകൻ കെ.കെ സെന്തിൽ കുമാറിന്റെ ഭാര്യ റൂഹി(റൂഹിനാസ്) അന്തരിച്ചു. തെലങ്കാനയിലെ സെക്കന്തരാബാദിലുള്ള കിംസ് ആശുപത്രിയിലായിരുന്നു അന്ത്യം. ആന്തരികാവയവങ്ങളുടെ പ്രവർത്തനം തകരാറിലായതിനെ തുടർന്ന് കഴിഞ്ഞ കുറച്ച്‌ ദിവസങ്ങളായി റൂഹി ആശുപത്രിയിൽ ചികിത്സയിലായിരുന്നു. എസ്‌എസ് രാജമൗലിക്കൊപ്പം ഏറെ നാളായി സെന്തിൽ കുമാർ പ്രവർത്തിക്കുന്നുണ്ട്. ബാഹുബലി: ദി ബിഗിനിംഗ്, ബാഹുബലി: ദി കൺക്ലൂഷൻ, മഗധീര, യമദോംഗ, അരുന്ധതി, ഈഗ, ഛത്രപതി, സൈ എന്നിവയുൾപ്പെടെ നിരവധി പ്രോജക്ടുകളിൽ അവർ ഒരുമിച്ച്‌ പ്രവർത്തിച്ചു. ഓസ്കാർ വേദിയിലടക്കം ശ്രദ്ധിക്കപ്പെട്ട ആർആർആറിന് വേണ്ടിയാണ് ഇരുവരും അവസാനമായി ഒന്നിച്ചു പ്രവർത്തിച്ചത്.
