മത്സരിക്കാത്തത് ആരോഗ്യകാരണങ്ങളാൽ; ഹൃദയവും ആത്മാവും റായ്ബറേലിക്കൊപ്പം; സോണിയാ ഗാന്ധി
ന്യൂഡൽഹി: പ്രായം കൂടി വരുന്നതും ആരോഗ്യകാരണങ്ങളും പരിഗണിച്ചാണ് താൻ ലോക്‌സഭാ തെരഞ്ഞെടുപ്പിൽ മത്സരിക്കാത്തതെന്ന് കോൺഗ്രസ് നേതാവ് സോണിയാ ഗാന്ധി. തൻറെ ഹൃദയവും ആത്മാവും റായ്ബറേലിക്കൊപ്പമാണ്. പ്രതിസന്ധി ഘട്ടത്തിൽ കൂടെനിന്നതിന് നന്ദിയെന്നും സോണിയ പ്രതികരിച്ചു. കോൺഗ്രസാണ് റായ്ബറേലിയിലെ ജനങ്ങൾക്കുള്ള സോണിയയുടെ കത്ത് ട്വിറ്ററിൽ പങ്കുവച്ചത്. രാജ്യസഭാ തെരഞ്ഞെടുപ്പിൽ മത്സരിക്കാൻ ബുധനാഴ്ച സോണിയ പത്രിക സമർപ്പിച്ചതിന് പിന്നാലെയാണ് പ്രതികരണം.
