സെൻറ് ജെമ്മാസ് സ്കൂൾ നവതി നിറവിൽ :സമാപന സമ്മേളനം മന്ത്രി വി.അബ്ദുറഹിമാൻ ഉദ്ഘാടനം ചെയ്യും.
1933ൽ ആരംഭിച്ച സെന്റ് ജമ്മാസ് ഗേൾസ് ഹയർ സെക്കന്ററി സ്കൂൾ 90 പ്രവർത്തന വർഷങ്ങൾ പൂർത്തീകരിച്ചതിന്റെ ഭാഗമായുള്ള നവതി ആഘോഷ സമാപന സമ്മേളനം 2024 ജനുവരി 15 തിങ്കളാഴ്ച മന്ത്രി വി. അബ്ദുറഹ്മാൻ ഉദ്ഘാടനം ചെയ്യും. മലപ്പുറം എം.എൽ.എ. പി.ഉബൈദുള്ള അധ്യക്ഷനാവും. വിശിഷ്ടാതിഥികളായി പാണക്കാട് സയ്യിദ് മുനവ്വറലി ശിഹാബ് തങ്ങൾ, കോഴിക്കോട് രൂപത ബിഷപ്പ് റൈറ്റ് റവറന്റ് ഡോക്ടർ വർഗീസ് ചക്കാലക്കൽ എന്നിവർ സംബന്ധിക്കും.
പൂർവ്വ വിദ്യാർത്ഥികളായ എം.എൽ.എ. എ .പി .അനിൽകുമാർ മുൻ എം.പി. എ. വിജയരാഘവൻ എന്നിവർ മഹനീയ സാന്നിധ്യമരുളും.
മലപ്പുറം ജില്ലാ പഞ്ചായത്ത് പ്രസിഡണ്ട് എം.കെ. റഫീഖ, മലപ്പുറം മുനിസിപ്പൽ ചെയർമാൻ മുജീബ് കാടേരി ,ജില്ലാ കലക്ടർ വി. ആർ. വിനോദ് ഐ.എ.എസ്. , വാർഡ് കൗൺസിലർ കെ.പി.എ. ഷരീഫ്, മലപ്പുറം സെൻറ് ജോസഫ് ചർച്ച് വികാരി മോൻസിഞ്ഞോർ വിൻസെന്റ് അറയ്ക്കൽ, മലപ്പുറം സെൻറ് തോമസ് ചർച്ച് വികാരി ഫാദർ മാത്യു നിരപ്പേൽ , ഹയർ സെക്കന്ററി റീജ്യണൽ ഡെപ്യൂട്ടി ഡയറക്ടർ ഡോ.അനിൽ പി. എം. , മലപ്പുറം ജില്ലാ വിദ്യാഭ്യാസ ഉപ ഡയറക്ടർ കെ. പി. രമേഷ് കുമാർ , ഡി.ഇ.ഒ. പി.പി. റുക്കിയ, എ. ഇ.ഒ. മാരായ സന്തോഷ് കുമാർ , ജോസ്മി ജോസഫ് , സിസ്റ്റേഴ്സ് ഓഫ് ചാരിറ്റി പ്രൊവിൻഷ്യൽ സുപ്പീരിയർ സിസ്റ്റർ ഫിലോമിന ജോസഫ് ,ഹോളി റെഡീമേഴ്സ് എഡ്യൂക്കേഷണൽ ഏജൻസി കോർപ്പറേറ്റ് മാനേജർ സിസ്റ്റർ സീമ പീറ്റർ ,സ്കൂൾ മാനേജർ സിസ്റ്റർ ലീല റോസ് , പി.ടി.എ. പ്രസിഡണ്ട് രാജീവ് കുമാർ, എം. പി. ടി. എ. പ്രസിഡണ്ട് തസ്നി സാദത്ത്,പൂർവ്വ വിദ്യാർത്ഥി പ്രതിനിധി മുരളീധരൻ ടി.
കെ., സ്കൂൾ ലീഡർമാരായ കൃഷ്ണഭദ്ര ,ദേവനന്ദ എന്നിവർ ആശംസകൾ അറിയിക്കും.
സർവീസിൽ നിന്ന് വിരമിക്കുന്ന ഗ്രേസി .സി .ടി, സോളി ജോർജ് ,വിൻസൻറ് സി.പി. എന്നിവർക്ക് പി.ടി.എ.യുടെ ഉപഹാരങ്ങൾ സമർപ്പിക്കും.
