ക്യാപ്റ്റൻ മില്ലർ ; കേരളത്തിൽ ചിത്രം നേടിയ കളക്ഷൻ ?
ധനുഷ് നായകനായി എത്തിയ പുതിയ ചിത്രം ക്യാപ്റ്റൻ മില്ലറിന് മോശമല്ലാത്ത കളക്ഷൻ ലഭിച്ചു എന്നാണ് ബോക്സ് ഓഫീസ് റിപ്പോർട്ടുകൾ. ഇന്ത്യയിൽ നിന്ന് മാത്രം എട്ട് കോടി രൂപയിലധികം ക്യാപ്റ്റൻ മില്ലർ നേടിയിട്ടുണ്ട്. കേരളത്തിൽ നിന്ന് 70 ലക്ഷമാണ് ചിത്രം നേടിയ കളക്ഷൻ എന്നുമാണ് റിപ്പോർട്ടുകൾ . അസുരൻ, മയക്കം എന്നാ, തുടങ്ങിയ സിനിമകളിലെ പ്രകടനത്തെ അനുസ്‍മരിപ്പിക്കുന്നതാണ് ക്യാപ്റ്റൻ മില്ലെറിലും ധനുഷ് നടത്തിയിരിക്കുന്നത് എന്നും സംവിധായകൻ അരുൺ മതേശ്വരൻ വ്യക്തമാക്കിയിരുന്നു. പ്രിയങ്ക അരുൾ മോഹനാണ് ധനുഷ് ചിത്രത്തിൽ നിർണായകമായ നായികയുടെ വേഷത്തിൽ എത്തുന്നത്. ഛായാഗ്രാഹണം സിദ്ധാർഥാണ് നിർവഹിക്കുക. ജി വി പ്രകാശ് കുമാർ സംഗീതം നിർവഹിക്കുന്ന ക്യാപ്റ്റൻ മില്ലെറിൽ ധനുഷിനും പ്രിയങ്ക അരുൾ മോഹനുമൊപ്പം സുന്ദീപ് കിഷൻ, ശിവരാജ് കുമാർ, ജോൺ കൊക്കെൻ, നിവേധിത സതിഷും പ്രധാന കഥാപാത്രങ്ങളായി എത്തി.
വാത്തിയാണ് ധനുഷ് നായകനായവയിൽ മുമ്പെത്തിയ ചിത്രവും വൻ ഹിറ്റായി മാറിയതും. വെങ്കി അറ്റ്‍ലൂരിയായിരുന്നു വാത്തി തിരക്കഥയെഴുതി സംവിധാനം ചെയ്‍തത്. മലയാളി നടി സംയുക്തയായിരുന്നു നായിക. സംഗീതം ജി വി പ്രകാശ് . ചിത്രത്തിൽ സമുദ്രക്കനി , പ്രവീണ എന്നിവരും പ്രധാന കഥാപാത്രങ്ങളായി ഉണ്ടായിരുന്നു. ചിത്രത്തിലെ ഗാനങ്ങളും ആരാധകർ ഏറ്റെടുത്തിരുന്നു.
