ധനുഷ് തരംഗം
തുള്ളുവതോ ഇളമൈ എന്ന സിനിമയിലൂടെ തമിഴകത്തിന്റെ മനം കവർന്ന നായകനാണ് ധനുഷ്. അഭിനയിച്ച ആദ്യ മൂന്ന് ചിത്രങ്ങള്‍ വന്‍ ഹിറ്റാക്കിയ അഭിനേതാവ്. വളരെ പെട്ടെന്ന് പാൻ ഇന്ത്യൻ തലത്തിലേക്ക് ഉയർന്ന ധനുഷ് ഇന്ന് ഹോളിവുഡിലും സാനിധ്യം അറിയിച്ചുകഴിഞ്ഞു. അവെഞ്ചേഴ്‌സ്: എന്‍ഡ്‌ഗെയി’മിലൂടെ പ്രശസ്തരായ റൂസോ സഹോദരന്മാരാർ സംവിധാനം ചെയ്യുന്ന ‘ദ ഗ്രേ മാന്റെ’ എന്ന ചിത്രത്തിൽ നിഗൂഢതകള്‍ നിറഞ്ഞ അവിക് സാന്‍ എന്ന കൊലയാളിയെയാണ്നാ ധനുഷ് വേഷമിട്ടത്.
കഴിഞ്ഞ കുറെ വര്ഷങ്ങളായി പാൻ ഇന്ത്യ അടക്കിവാഴുന്ന ധനുഷിന് നായകനെന്ന നിലയിലും സംവിധായകനെന്ന നിലയിലും ഏറെ പ്രധാനപ്പെട്ട വര്‍ഷമാകും 2024.ആരാധകർ ഏറെ കാത്തിരുന്ന ധനുഷ് വിപ്ലവ നായകന്റെ വേഷത്തിലെത്തുന്ന ക്യാപ്റ്റൻ മില്ലറിൻ്റെ ട്രെയിലറാണ് ഇപ്പോൾ തരംഗം സൃഷ്ടിക്കുന്നത്. മാസ് ആക്ഷൻ ത്രില്ലറായാണ് ചിത്രം പുറത്തെത്തുന്നത്. ബ്രിട്ടീഷുകാർക്കെതിരെ പോരാടുന്ന ക്യാപ്റ്റൻ മില്ലർ എന്ന കഥാപാത്രത്തെയാണ് ധനുഷ് ഈ ചിത്രത്തിൽ അവതരിപ്പിക്കുന്നത്. ചിത്രത്തിൽ പല ഗെറ്റപ്പികളിൽ ധനുഷ് പ്രത്യക്ഷപ്പെടുന്നു. ഏറെ പ്രശംസകൾ ലഭിച്ച ക്യാപ്റ്റൻ മില്ലർ ട്രെയിലർ 6 മില്യണിൽ കൂടുതൽ ആളുകൾ കണ്ടുകഴിഞ്ഞു.
ആരാധകർ പ്രതീക്ഷയോടെ കാത്തിരിക്കുന്ന ഈ ചിത്രം ജനുവരി 12ന് തീയറ്ററുകളിൽ എത്തുമെന്നാണ് പ്രതീക്ഷിക്കുന്നത്. അരുൺ മാതേശ്വരൻ സംവിധാനം ചെയ്യുന്ന ചിത്രത്തിൽ പ്രിയങ്ക അരുൾ മോഹൻ ആണ് നായികയായി എത്തുന്നത്. ശിവ രാജ്‌കുമാർ, സന്ദീപ് കിഷൻ, ജോൺ കൊക്കൻ തുടങ്ങിയവരും പ്രധാന വേഷത്തിലെത്തുന്നുണ്ട്. ജിവി പ്രകാശാണ് ചിത്രത്തിന് സംഗീതം പകരുന്നത്. ധനുഷിന്റെ 47-ാമത് ചിത്രമായ ക്യാപ്റ്റൻ മില്ലർ ഈ വർഷത്തെ ഏറ്റവും പ്രതീക്ഷയുള്ള ചിത്രമാണ്. പഞ്ച് ഡയലോഗുകളും മികച്ച ആക്ഷൻ രംഗങ്ങളും നിറഞ്ഞതാണ് ട്രെയിലർ. പ്രേക്ഷകർക്ക് മികച്ച തിയേറ്റർ അനുഭവമായിരിക്കും ചിത്രം നൽകുകയെന്നാണ് ട്രെയിലർ സൂചിപ്പിക്കുന്നത്.
വിപ്ലവ നായകനായി എത്തുന്ന ധനുഷ് നീട്ടി വളർത്തിയ താടിയും മുടിയുമുള്ളതടക്കം വ്യത്യസ്തമായ ലുക്കിലാണ് സ്‌ക്രീനിൽ എത്തുക. ബ്രിട്ടീഷുകാർക്കെതിരെയുള്ള പോരാട്ടത്തിന്റെ രംഗങ്ങൾ സോഷ്യൽ മീഡിയയിൽ ആളിപ്പടരുകയാണ്. സ്വാന്തന്ത്ര്യത്തിന് മുൻപ് ബ്രിട്ടീഷുകാർക്കെതിരെയുള്ള ക്യാപ്റ്റൻ മില്ലറുടെ പോരാട്ടമാണ് ചിത്രം പറയുന്നത്.
നിരവധി സിനിമകളുടെ നിർമ്മാതാവായി പ്രവർത്തിച്ചിട്ടുള്ള ധനുഷ്, പാ പാണ്ടി (2017) എന്ന ചിത്രത്തിന് ശേഷം രണ്ടാമതും ഒരു ചിത്രം സംവിധാനം ചെയ്യാൻ ഒരുങ്ങുകയാണ്. ‘ രായൺ ‘ എന്നാണ് ചിത്രത്തിന് പേരിട്ടിരിക്കുന്നത്. നോർത്ത് മദ്രാസ് പശ്ചാത്തലത്തിലാണ് ചിത്രം ഒരുങ്ങുന്നത്, വിഷ്ണു വിശാൽ , എസ് ജെ സൂര്യ , കാളിദാസ് ജയറാം , ദുഷാര വിജയൻ എന്നിവർ ചിത്രത്തിൽ പ്രധാന വേഷങ്ങളിൽ എത്തുമെന്നാണ് റിപ്പോർട്ട്. ചിത്രത്തിന്റെ ഷൂട്ടിംഗ് ഏപ്രിലിൽ ആരംഭിക്കും.
