തലസ്ഥാനത്ത് ഒന്നരവയസുകാരനെ അമ്മയുടെ സഹോദരി കിണറ്റിലെറിഞ്ഞ് കൊലപ്പെടുത്തി
തിരുവനന്തപുരം കാട്ടാക്കട കൊണ്ണിയൂരിൽ ഒന്നരവയസുകാരനെ കിണറ്റിലെറിഞ്ഞ് കൊലപ്പെടുത്തി. കുഞ്ഞിന്‍റെ അമ്മയുടെ സഹോദരിയാണ് കുട്ടിയെ കിണറ്റിലെറിഞ്ഞത്. പ്രതി മഞ്ജുവിനെ വളപ്പിൻശാല പൊലീസ് കസ്റ്റഡിയിലെടുത്തു. മഞ്ജു മാനസിക രോഗത്തിന് ചികിത്സയിലായിരുന്നുവെന്ന് പോലീസ് പറഞ്ഞു. കോന്നിയാർ സൈമൺ റോഡിൽ ഇന്ന് പുലർച്ചെയാണ് കുട്ടി കിണറ്റിലെറിഞ്ഞ് മരിച്ച ദാരുണ സംഭവം.
കാട്ടാക്കട ഫയർഫോഴ്‌സ് സ്ഥലത്തെത്തി കുഞ്ഞിനെ കിണറ്റിൽ നിന്ന് പുറത്തെടുത്തു. വിളപ്പിന്‍ശാല പോലീസ് കേസെടുത്ത് പ്രതിയെ അറസ്റ്റ് ചെയ്തു. രണ്ടാം പ്രസവത്തിന് ശേഷം മഞ്ജുവിന് മാനസിക പ്രശ്‌നങ്ങളുണ്ടായിരുന്നു. തുടർന്ന് ശ്രീകണ്ഠൻ മഞ്ജുവിന്റെ അവിവാഹിതയായ സഹോദരിയെ വിവാഹം കഴിച്ചു. മഞ്ജു കുഞ്ഞിനെ കിണറ്റിലേക്കെറിയുകയായിരുന്നുവെന്ന് പോലീസ് പറഞ്ഞു.
