കുതിരാന്‍ പാലത്തില്‍ ഇന്നോവ കാര്‍ ലോറിയിലേക്ക് ഇടിച്ചുകയറി ഒരാള്‍ മരിച്ചു
കുതിരാൻ പാലത്തിന് മുകളിൽ കാറും ലോറിയും കൂട്ടിയിടിച്ചുണ്ടായ അപകടത്തിൽ ഒരു മരണം, അഞ്ചുപേരുടെ നില ഗുരുതരംഅപകടത്തില്‍ കാര്‍ പൂര്‍ണമായും തകര്‍ന്നു. കോട്ടയം തിരുവല്ല സ്വദേശികളാണ് അപകടത്തില്‍പ്പെട്ടത്. തിരുവല്ല സ്വദേശിയായ ചെറിയാന്‍ (72) ആണ് മരിച്ചത്ഇവർ സഞ്ചരിച്ചിരുന്ന ഇന്നോവ കാർ ട്രെയിലർ ലോറിക്ക് മുന്നിൽ ഇടിക്കുകയായിരുന്നു.
ജോണ്‍സണ്‍ തോമസ്, മനു, തങ്കമ്മ ജോണ്‍, ശാന്തമ്മ ചെറിയാന്‍, മോഹന്‍ തോമസ് എന്നിവര്‍ക്കാണ് പരുക്കേറ്റത്. ഇവരെ തൃശൂരിലെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്.അപകടത്തിൽപെട്ട സ്ത്രീകളിൽ ഒരാൾ ഗർഭിണിയാണ്. പരിക്കേറ്റവരിൽ മൂന്ന് പേരെ തൃശൂരിലെ രണ്ട് സ്വകാര്യ ആശുപത്രികളിലാണ് പ്രവേശിപ്പിച്ചിട്ടുള്ളത്. ഇന്ന് തൃശൂർ തന്നെയുള്ള സ്വകാര്യ മെഡിക്കൽ കോളേജിൽ പ്രവേശിപ്പിച്ച ഒരു പുരുഷനാണ് മരിച്ചത്.
