‘നേരി’ന്‍റെ തമിഴ്നാട്, കര്‍ണാടക, തെലങ്കാന, ഉത്തരേന്ത്യ കളക്ഷന്‍
“പാൻ-ഇന്ത്യൻ” എന്ന വാക്ക് സിനിമയിലേക്ക് പ്രചരിപ്പിച്ച ചിത്രമാണ് ബാഹുബലി. പിന്നീട് നിരവധി തെലുങ്ക്, കന്നഡ, തമിഴ് സിനിമകൾ ഈ റീച്ചും കളക്ഷനും നേടി. എന്നാൽ തിയറ്റർ റിലീസിന്റെ കാര്യത്തിൽ ഇന്ത്യാ തലത്തിൽ എത്താൻ മലയാള സിനിമയ്ക്ക് ഇതുവരെ സാധിച്ചിട്ടില്ല. അതേ സമയം മലയാളം സിനിമകൾ OTT-യിൽ പരമാവധി സ്വകാര്യത ആസ്വദിക്കുന്നു. ഇന്ത്യയിലെ ഇതര സംസ്ഥാനങ്ങളിൽ ഈയിടെയായി മലയാള സിനിമകളുടെ എണ്ണം കൂടിയിട്ടുണ്ട്, എന്നാൽ മറ്റ് ദക്ഷിണേന്ത്യൻ സിനിമകളുമായി താരതമ്യം ചെയ്യാൻ കഴിയില്ല. മികച്ച അഭിപ്രായം നേടുന്ന സിനിമകൾക്ക് മികച്ച കളക്ഷനും ലഭിക്കുന്നു. അതിന്റെ ഏറ്റവും ഒടുവിലത്തെ ഉദാഹരണമാണ് മോഹൻലാൽ ചിത്രം നേര്
ക്രിസ്മസ് റിലീസായി ഡിസംബർ 21 ന് റിലീസ് ചെയ്ത ചിത്രം സമീപകാലത്ത് ഏറ്റവും ജനപ്രിയമായ മലയാളം ചിത്രമാണ്. എട്ട് ദിവസത്തെ കണക്കുകൾ നോക്കുമ്പോൾ, കേരളം കഴിഞ്ഞാൽ ഇന്ത്യയിലെ ഏറ്റവും വലിയ കളക്ഷൻ സംസ്ഥാനമാണ് കർണാടക. എട്ട് ദിവസം കൊണ്ട് 1.22 കോടിയാണ് കളക്ഷന്‍. ഉത്തരേന്ത്യയില്‍ നിന്ന് 92 ലക്ഷവും തമിഴ്നാട്ടില്‍ നിന്ന് 65 ലക്ഷവും തെലുങ്ക് സംസ്ഥാനങ്ങളില്‍ നിന്ന് 8 ലക്ഷവുമാണ് ചിത്രത്തിന്‍റെ നേട്ടം. അങ്ങനെ എട്ട് ദിവസത്തെ റെസ്റ്റ് ഓഫ് ഇന്ത്യ കളക്ഷന്‍ ആകെ 2.87 കോടി.
