ട്രെന്‍ഡിംഗില്‍ ‘വാലിബനി’ലെ ‘റാക്ക് പാട്ട്’
മലയാളികൾ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മലൈക്കോട്ടൈ വാലിബൻ. സംവിധായകൻ ലിജോ ജോസ് പെല്ലിശേരിയും സൂപ്പർതാരം മോഹൻലാലും ആദ്യമായി ഒന്നിക്കുന്നു എന്നത് തന്നെയാണ് ആരാധകരുടെ പ്രതീക്ഷകൾ ഉയർത്തുന്നത്. പ്രൊമോഷണല്‍ മെറ്റീരിയലുകള്‍ക്കെല്ലാം വലിയ സ്വീകാര്യത ലഭിക്കുന്ന വാലിബന്‍റെ ഇന്നലെ പുറത്തിറങ്ങിയ ഗാനവും വന്‍ ഹിറ്റ് ആണ്. റാക്ക് പാട്ട് എന്ന് പേരിട്ടിരിക്കുന്ന ഗാനം ആലപിച്ചിരിക്കുന്നത് മോഹന്‍ലാല്‍ ആണ്. ഗാനത്തിന് ഇതിനകം യുട്യൂബില്‍ 1 മില്യണിലധികം കാഴ്ചകളാണ് ലഭിച്ചിരിക്കുന്നത്.
റാക് പാട്ട് എന്ന് പേരിട്ടിരിക്കുന്ന ഗാനത്തിന്റെ വരികൾ എഴുതിയിരിക്കുന്നത് ചിത്രത്തിന്റെ സഹരചയിതാവ് കൂടിയായ പി.എസ്. റഫീക്കാണ്. ഗാനത്തിന്റെ ഇനിഷ്യൽ കോമ്പോസിഷനും റഫീക്ക് നിർവഹിച്ചിരിക്കുന്നു. സംഗീത സംവിധാനവും പ്രോഗ്രാമിംഗും പ്രശാന്ത് പിള്ളയാണ് ഗാനം ആലപിച്ചിരിക്കുന്നത് മോഹൻലാൽ തന്നെയാണ്.മോഹന്‍ലാലിനൊപ്പം സൊണാലി കുല്‍ക്കര്‍ണി, ഹരീഷ് പേരടി, മനോജ് മോസസ്, കഥ നന്ദി, ഡാനിഷ് സേഠ്, മണികണ്ഠന്‍ ആചാരി തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
