ചാലക്കുടിയിൽ വ്യത്യസ്ത വാഹനാപകടങ്ങളിലായി രണ്ട് മരണം
ചാലക്കുടിയിൽ വ്യത്യസ്ത വാഹനാപകടങ്ങളിലായി രണ്ട് മരണം. ക്രിസ്മസ് ആഘോഷം കഴിഞ്ഞ് മടങ്ങിയ യുവാവ് ബൈക്കപകടത്തിൽ മരിച്ചു. കാടുക്കുറ്റിയിൽ നിയന്ത്രണം വിട്ട ബൈക്ക് മതിലിൽ ഇടിച്ചായിരുന്നു അപകടം. കാടുക്കുറ്റി സ്വദേശി മെൽവിൻ ആണ് മരിച്ചത്ഇന്റീരിയർ ഡിസൈനറായി ജോലി ചെയ്യുകയായിരുന്നു മെൽവിൻ. അർധരാത്രിയോടെയാണ് അപകടമുണ്ടായത്.
ഇതിനിടെ ചാലക്കുടി മേലൂരിൽ ബൈക്ക് നിയന്ത്രണം വിട്ട് യുവാവ് നെൽപ്പാടത്തിലേക്ക് വീണു. പുഷ്പഗിരി പിണ്ടാണ്ടി നായ്മേലി തോടിന് സമീപമായിരുന്നു അപകടം. ചാലക്കുടി വി.ആർ. ഉറുമ്പന കുന്നയിൽ താമസിക്കുന്ന ബിനു (23) ആണ് മരിച്ചത്. . കുന്നപ്പിള്ളിയിലെ സുഹൃത്തിന്റെ വീട്ടിൽ ഉത്സവം കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടം. രാവിലെ ആറരയോടെയാണ് നാട്ടുകാർ മൃതദേഹം കണ്ടെത്തിയത്.
