തമിഴ്നാട്ടിൽ നിന്നുള്ള ശബരിമല തീർത്ഥാടകർ സഞ്ചരിച്ച കാറും ടിപ്പറും കൂട്ടിയിടിച്ചു 5 പേർക്ക് പരിക്ക്

കോന്നി ഇളകൊള്ളൂരില്‍ ശബരിമല തീർഥാടകർ സഞ്ചരിച്ച വാഹനം ട്രക്കുമായി കൂട്ടിയിടിച്ചു. പരിക്കേറ്റവരുടെ നില ഗുരുതരമാണ്. കാറിലുണ്ടായിരുന്നവരെ കാർ വെട്ടിപ്പൊളിച്ചാണ് പുറത്തെടുത്തത് . കാർ മോശം അവസ്ഥയിലാണ്.

സംഭവസമയത്ത് കാറിൽ അഞ്ച് പേരുണ്ടായിരുന്നു. ശബരിമല ദർശനം കഴിഞ്ഞ് മടങ്ങുകയായിരുന്നു ഇവർ. കാർ ഒരു ട്രക്കുമായി കൂട്ടിയിടിക്കുകയായിരുന്നു. നാട്ടുകാരും ഫയർഫോഴ്‌സും ചേർന്ന് ഏറെ നേരത്തെ പരിശ്രമത്തിനൊടുവിൽ കാറിന്റെ മുൻഭാഗം വെട്ടിമാറ്റി പരിക്കേറ്റവരെ പുറത്തെടുത്ത് ആശുപത്രിയിലെത്തിച്ച് ചികിത്സ നൽകി.

പരിക്കേറ്റവരെ ഗുരുതരാവസ്ഥയിൽ കോട്ടയം മെഡിക്കൽ കോളേജിൽ പ്രവേശിപ്പിച്ചു. മറ്റുള്ളവർ പത്തനംതിട്ട ജനറൽ ആശുപത്രിയിൽ ചികിത്സയിലാണ്. തമിഴ്‌നാട് സ്വദേശികളാണ് ഭക്തരെന്ന് പോലീസ് പറഞ്ഞു.