നവ കേരള സ്വദസ് ഇന്ന് അങ്കമാലിയിൽ തുടക്കം.നവ കേരള സദസ്സിന് ഒരുങ്ങി ജില്ല.ഞായറാഴ്ച സമാപിക്കും.
മുഖ്യമന്ത്രി പിണറായി വിജയനും മന്ത്രിമാരും വ്യാഴാഴ്ച മുതൽ ജില്ലയിലെ 14 നിയമസഭാ മണ്ഡലങ്ങളിലും സന്ദർശനം നടത്തും.ജില്ലയിൽ നാലുദിവസം നീളുന്നതാണ് സന്ദർശനം.വ്യാഴാഴ്ച രാവിലെ 9ന് അംഗമാലി അഡ്ലക്സ് കൺവെൻഷൻ സെന്ററിലാണ് ജില്ലയിലെ ആദ്യ പ്രഭാത യോഗം. രണ്ടുമണിക്ക് മുഖ്യമന്ത്രിയും മന്ത്രിമാരും അങ്കമാലി സെന്റ് ജോസഫ് ഹൈസ്കൂൾ ഗ്രൗണ്ടിൽ നവ കേരള സദസിൽ പങ്കെടുക്കും. വൈകുന്നേരം 3 30ന് ആലുവ പ്രൈവറ്റ് ബസ്റ്റാൻഡ് പരിസരത്തും അഞ്ചുമണിക്ക് പറവൂർ ഗവൺമെന്റ് ബോയ്സ് ഹയർ സെക്കൻഡറി സ്കൂൾ മൈതാനത്തും സദസ്സ് സംഘടിപ്പിക്കും. വെള്ളിയാഴ്ച രാവിലെ 9ന് പ്രഭാത യോഗം കലൂർ ഐ എം എ ഹൗസിൽ ചേരും. രാവിലെ 10 മണിക്ക് ഞാറക്കൽ ജയ്ഹിന്ദ് ഗ്രൗണ്ടിൽ വൈപ്പിൻ മണ്ഡലത്തിലെയും രണ്ടുമണിക്ക് ഫോർട്ട് കൊച്ചി ഗ്രൗണ്ടിൽ കൊച്ചി മണ്ഡലത്തിലെയും വൈകുന്നേരം 3 30ന് പത്തടിപ്പാലം റസ്റ്റ് ഹൗസിന് സമീപം കളമശ്ശേരി മണ്ഡലത്തിലെയും അഞ്ചുമണിക്ക് മറൈൻഡ്രൈവിൽ എറണാകുളം മണ്ഡലത്തിലെയും സദസ്സുകൾ നടക്കും.ശനിയാഴ്ച രാവിലെ 9ന് തൃപ്പൂണിത്തുറ കിഴക്കേകോട്ട സെൻമേരിസ് ചർച്ച് സിയോൺ ഓഡിറ്റോറിയത്തിൽ പ്രഭാത യോഗം ചേരും. 10 മണിക്ക് കാക്കനാട് സിവിൽ സ്റ്റേഷൻ പരേഡ് ഗ്രൗണ്ടിൽ തൃക്കാക്കര മണ്ഡലത്തിലെയും രണ്ടുമണിക്ക് പുതിയകാവ് ക്ഷേത്ര മൈതാനത്തിൽ തൃപ്പൂണിത്തുറ മണ്ഡലത്തിലെയും മൂന്നരയ്ക്ക് പിറവം കൊച്ചുപള്ളി മൈതാനത്ത് പിറവം മണ്ഡലത്തിലെയും അഞ്ചുമണിക്ക് കോലഞ്ചേരി സെന്റ് പീറ്റേഴ്സ് കോളേജ് ഗ്രൗണ്ടിൽ കുന്നത്ത് നാട് മണ്ഡലത്തിലെയും സദസ്സുകൾ നടക്കും. ഞായറാഴ്ച രാവിലെ 9 മണിക്ക് വെങ്ങോല ഹമാര ഓഡിറ്റോറിയത്തിലാണ് പ്രഭാത യോഗം നടക്കുക. 10 മണിക്ക് ബോയ്സ് ഹയർസെക്കൻഡറി സ്കൂൾ മൈതാനിയിൽ പെരുമ്പാവൂർ മണ്ഡലത്തിലെയും രണ്ടുമണിക്ക് മാർവേസിൽ ഹയർ സെക്കൻഡറി സ്കൂൾ മൈതാനത്തിൽ കോതമംഗലം മണ്ഡലത്തിലെയും മൂന്നരയ്ക്ക് മുനിസിപ്പൽ സ്റ്റേഡിയത്തിൽ മൂവാറ്റുപുഴ മണ്ഡലത്തിലെയും നവ കേരള സദസ്സുകളോടെ ജില്ലയിലെ പര്യടനം സമാപിക്കും.
