നവകേരള സദസ്സിന്റെ ഭാഗമായി പറവൂരില്‍ വിളംബര ജാഥ നടത്തി
മുഖ്യമന്ത്രിയും മന്ത്രിമാരും പറവൂരിൽ മണ്ഡലത്തിലെത്തുന്ന നവകേരള സദസിൻ്റെ ഭാഗമായി സംഘാടക സമിതിയുടെ നേതൃത്വത്തില്‍ നഗരത്തില്‍ വിളംബര ജാഥ നടത്തി.ഫോര്‍ട്ട്കൊച്ചി സബ് കളക്ടര്‍ പി.വിഷ്ണുരാജ് ചേന്ദമംഗലം കവലയില്‍ വിളംബര ജാഥ ഫ്ലാഗ് ഓഫ് ചെയ്തു.
തെയ്യം, മുത്തുക്കുടകള്‍, നിശ്ചല ദൃശ്യങ്ങള്‍, ഓട്ടോറിക്ഷ റാലി എന്നിവ ജാഥക്ക് മിഴിവേകി. സര്‍ക്കാര്‍ – സഹകരണ ജീവനക്കാര്‍, അംഗൻവാടി, ആശ പ്രവര്‍ത്തകര്‍, വിദ്യാര്‍ത്ഥികള്‍, വിവിധ തൊഴിലാളി സംഘടനാ പ്രവര്‍ത്തകര്‍ എന്നിവര്‍ ജാഥയില്‍ പങ്കാളികളായി.
സംഘാടക സമിതി ജോയിൻ്റ് കണ്‍വീനര്‍ ടോമി കെ സെബാസ്റ്റ്യൻ, ടി.ആര്‍ ബോസ്, കെ.പി വിശ്വനാഥൻ, എൻ.ഐ പൗലോസ്, ടോബി മാമ്ബിള്ളി, മുഹമ്മദ് ആലു, എം.എൻ ശിവദാസൻ, പി.എൻ സന്തോഷ്, ടി.വി നിഥിൻ, കെ.ബി അറുമുഖൻ, കെ.എ വിദ്യാനന്ദൻ എന്നിവര്‍ നേതൃത്വം നല്‍കി. തുടര്‍ന്ന് റൂഹ് കളക്ടീവ് ബാൻ്റിൻ്റെ ഫ്യൂഷൻ മ്യൂസിക് അരങ്ങേറി.
