മലപ്പുറത്തുകാരന്റെ ഫുട്ബോൾ ഷോട്ട് ലോക വൈറൽ. ഇറ്റലിക്കാരൻ കാബിയുടെ 28.9 കോടി കാഴ്ചക്കാരെ തള്ളിയാണ് റിസ് വാൻ ഒന്നാമൻ ആയത്.
അരീക്കോട് മാങ്കടവ് സ്വദേശി മുഹമ്മദ് റിസ്വാൻ ഇൻസ്റ്റാഗ്രാമിൽ പങ്കുവെച്ച റീലിന്,ലോക കാഴ്ചക്കാരുടെ റെക്കോർഡിനെ മറികടക്കാൻ കഴിഞ്ഞതിന്റെ സന്തോഷത്തിലാണ് ഫ്രീ സ്റ്റൈൽ ഫുട്ബോൾ താരം.നിലവിൽ ഇൻസ്റ്റാഗ്രാമിൽ കൂടുതൽ കാഴ്ചക്കാർ കണ്ട റീൽ, ഫ്രീ സ്റ്റൈൽ വീഡിയോ ഉൾപ്പെടെ ചെയ്യുന്നഇറ്റലിക്കാരൻ കാബി യുടേതാണെന്ന് ഗൂഗിൾ പറയുന്നു.അദ്ദേഹത്തിന്റെ ഏറ്റവും കൂടുതൽ പേർ വീക്ഷിച്ച വീഡിയോ ഇതിനകം 289 മില്യൺ കാഴ്ചക്കാരിലേക്കാണ് എത്തിയത്.അതിനെ മറികടന്നാണ് റിസ്വാൻ 10 ദിവസം മുമ്പ് ഇൻസ്റ്റഗ്രാമിൽ പങ്കുവെച്ച വെള്ളച്ചാട്ടത്തിലേക്ക് ഫുട്ബോൾ തട്ടുന്ന 30 സെക്കൻഡ് റീലിന് പ്രതികരണം ലഭിച്ചത്. ഈ വീഡിയോ 10 ദിവസം കൊണ്ട് 350 മില്യൺ കാഴ്ചക്കാരാണ് കണ്ടത്. അപൂർവ്വ നേട്ടത്തിൽ വളരെയധികം സന്തോഷമുണ്ടെന്ന് റിസ് വാൻ പറഞ്ഞു.മൂന്നുവർഷം മുമ്പാണ് വിദേശരാജ്യങ്ങളിൽ പ്രധാനമായി കണ്ടുവരുന്ന ഫ്രീ സ്റ്റൈൽ ഫുട്ബോളിലേക്ക് റിസ്വാൻ എത്തുന്നത്. സമൂഹമാധ്യമങ്ങളിലൂടെ വിദേശരാജ്യങ്ങളിലെ ഫ്രീ സ്റ്റൈൽ താരങ്ങളുടെ വീഡിയോകൾ പ്രചോദനമായാണ് ഈ രംഗത്തേക്ക് പ്രവേശിച്ചത് എന്ന് റിസ് വാൻ. തുടർന്ന് മികച്ച രീതിയിലുള്ള കഠിന പരിശ്രമമാണ് റിസ്വാൻ എന്ന ഈ 21 കാരനെ ഫ്രീ സ്റ്റൈൽ ഫുട്ബോൾ താരം ആക്കി മാറ്റിയത്. പ്രൊഫഷണൽ ഫുട്ബോൾ താരങ്ങൾക്ക് പോലും ചെയ്യാൻ കഴിയാത്ത അഭ്യാസപ്രകടനങ്ങളാണ് പന്ത് കൊണ്ട് റിസ് വാൻ ചെയ്യുന്നത്. ചാലിയാറിന് കുറുകെയുള്ള പെരുങ്കടവ് പാലത്തിൽ കയറിയിരുന്ന് റിസ്വാൻ പുഴയിലേക്ക് കാലിട്ടും പന്തു തട്ടും. മാങ്കടവ് സ്വദേശി അബ്ദുൽ മജീദ് മൈമൂന ദമ്പതികളുടെ മകനാണ് റിസ് വാ ൻ. ഇർഫാന തസ്നി, റി ഫാൻ,മുഹ്‌സിൻ എന്നിവരാണ് സഹോദരങ്ങൾ.
