കാശ്മീരിൽ വാഹനാപകടം മരിച്ച നാല് പേർ പാലക്കാട് സ്വദേശികൾ. ചിറ്റൂരിൽ നിന്ന് പോയത് 13 അംഗസംഘം.
ശ്രീനഗറിൽ സോജില പാസിനടുത്തുവെച്ച് കൊക്കയിലേക്ക് മറിഞ്ഞുണ്ടായ അപകടത്തിൽ മരിച്ച നാല് മലയാളികൾ പാലക്കാട് ചിറ്റൂർ സ്വദേശികളാണ്. നവംബർ 30ന് ട്രെയിൻ മാർഗ്ഗമാണ് സംഘം കാശ്മീരിലേക്ക് തിരിച്ചത്. 13 ആളുകളാണ് സംഘത്തിൽ ഉണ്ടായിരുന്നത്. ഇതിൽ ഏഴുപേർ സഞ്ചരിച്ച വാഹനമാണ് അപകടത്തിൽ പെട്ടത്. പാലക്കാട് ചിറ്റൂർ സ്വദേശികളായ സുധീഷ് 32,അനിൽ 34,രാഹുൽ 28, വിഗ്നേഷ് 23, എന്നിവരാണ് മരിച്ചത്. ഇവർക്ക് ഒപ്പമുണ്ടായിരുന്ന രജീഷ്,മനോജ്,അരുൺ എന്നിവർ പരിക്കേറ്റ ചികിത്സയിലാണ്.ഇവരിൽ ഒരാളുടെ നില ഗുരുതരം ആണെന്നാണ് റിപ്പോർട്ട്. അപകടത്തിൽപ്പെട്ടവർ ജെ ഡി എസ് ന് സമീപമുള്ളവരാണ്.
