കൊടിയത്തൂർ പരിവാർലോക ഭിന്നശേഷി ദിനത്തിൽ ഉല്ലാസ യാത്ര നടത്തി .
ഡിസംബർ 3 ലോക ഭിന്നശേഷി ദിനത്തിൽ കൊടിയത്തൂർ ഗ്രാമ പഞ്ചായത്ത് പരിവാർ കമ്മിറ്റി കുട്ടികളുമൊത്ത് കോഴിക്കോട്ടേക്ക് ഉല്ലാസയാത്ര നടത്തു കയുണ്ടായി. രാവിലെ എട്ടുമണിക്ക് ബ്ലോക്ക് പഞ്ചായത്ത് മെമ്പർ അഡ്വക്കേറ്റ് സുഫിയാൻ ചെറുവാടി ഫ്ലാഗ് ഓഫ് ചെയ്തു. ബേപ്പൂർ ബോട്ട് , ഹൈലൈറ്റ് മാൾ സന്ദർശനം, പ്ലാനിറ്റോറിയം ബീച്ച് തുടങ്ങിയവ സന്ദർശിച്ചു. യാത്രയോടനുബന്ധിച്ച് കോഴിക്കോട് പ്ലാനിറ്റോറിയത്തിൽ വെച്ച് നടന്ന ചടങ്ങ് കോഴിക്കോട് ജില്ലാ സബ് ജഡ്ജി ഷൈജൽ ഉദ്ഘാടനം നിർവഹിച്ചു. ചടങ്ങിൽ മുഖ്യാതിഥിയായി മലബാർ ചെംബർ ഓഫ് കൊമേഴ്സ് പ്രസിഡണ്ട് എം എ മെഹബൂബ് ചേർന്നു. ചടങ്ങിന് പരിവാർ നാഷണൽ കമ്മിറ്റിയംഗം പ്രൊഫസർ കെ കോയട്ടി, പരിവാർ കോഴിക്കോട് ജില്ലാ പ്രസിഡണ്ട് ഡി കെ ബാബു, സെക്രട്ടറി അനുരുദ്ധൻ പ്ലാനിറ്റോറിയം ടെക്നിക്കൽ മാനേജർ ജയന്ത്, നിയാസ് ചോല എന്നിവർ സംസാരിച്ചു. കൊടിയത്തൂർ പരിവാർ ഭാരവാഹികളായ ജാഫർ ടി കെ,അബ്ദുൾ അസീസ് കാരക്കുറ്റി, മുഹമ്മദ് എൻ നാസർ മാസ്റ്റർ, ബഷീർ കണ്ടേങ്ങൽ, മുഹമ്മദ് ഗോതമ്പ് റോഡ്, കരീം എരഞ്ഞിമാവ്, ബാബു സി, ജെ.സെലീന ആയിഷ, ഹന്ന ടി കെ എന്നിവർ നേതൃത്വം നൽകി.
