തെരഞ്ഞെടുപ്പ് ഫലം ഇന്ന്.നിർണായക സൂം മീറ്റിംഗ് വിളിച്ച് രാഹുൽ ഗാന്ധി.
ന്യൂഡൽഹിയിൽ 5 സംസ്ഥാനങ്ങളിലേക്ക് നടന്ന നിയമസഭാ തിരഞ്ഞെടുപ്പ് ഫലം കാത്ത് രാജ്യം. നാല് സംസ്ഥാനങ്ങളിലെ ഫലം ഇന്ന് അറിയാം. ഇതിനിടെ രാഹുൽ ഗാന്ധി കോൺഗ്രസ് നേതാക്കളുടെ സൂമിങ് വിളിച്ചു. തെലുങ്കാനയിലെ കോൺഗ്രസ് നേതാക്കളും ഡി കെ ശിവകുമാറും മീറ്റിങ്ങിൽ പങ്കെടുത്തു.മല്ലു ഭട്ടി വിക്രമാർക്ക, രേവന്ത് റെഡ് ഡി, ഉത്തരം കുമാർ റെഡി, എന്നിവർ മീറ്റിങ്ങിൽ പങ്കെടുത്തു. എല്ലാ സ്ഥാനാർത്ഥികളോടും രാവിലെതന്നെ ഹൈദരാബാദിലെത്താനും ഫലം വരാൻ കാക്കണ്ട എന്നും രാഹുൽഗാന്ധി നിർദ്ദേശം നൽകി. തൂക്ക് സഭയെങ്കിൽ ഡികെ ശിവകുമാറിന്റെ നേതൃത്വത്തിൽ എംഎൽഎമാരെ ഒരുമിച്ച് നിർത്തും. അല്ലെങ്കിൽ ബാംഗ്ലൂരിലേക്ക് മാറ്റും ഇത്തരം ചർച്ചകൾക്കിടെ ബാംഗ്ലൂരു ദേവന ഹള്ളിയിൽ റിസോർട്ടുകൾ സജ്ജമാക്കി എന്ന വിവരം പുറത്തുവന്നു. തെലുങ്കാന,രാജസ്ഥാൻ, മധ്യപ്രദേശ്, ഛത്തീസ്ഗഡ് നിയമസഭയിലേക്ക് നടന്ന തെരഞ്ഞെടുപ്പിന്റെ ഫലം ഇന്ന് ഉച്ചയോടെ വ്യക്തമാകും. രാവിലെ എട്ടിന് വോട്ട് എണ്ണി തുടങ്ങും. മിസോറാമിൽ സംസ്ഥാനത്തെ പൊതു താൽപര്യം മുൻനിർത്തി വോട്ടെണ്ണൽ തിങ്കളാഴ്ചത്തേക്ക് മാറ്റി.
