ബബില്‍ ഖാൻ ചിത്രം ‘ഫ്രൈഡേ നൈറ്റ് പ്ലാൻ’; ടീസര്‍ പുറത്ത്
വരാനിരിക്കുന്ന ‘ഫ്രൈഡേ നൈറ്റ് പ്ലാൻ’ എന്ന ചിത്രത്തിന്റെ ഔദ്യോഗിക ടീസർ നിർമാതാക്കൾ നെറ്റ്ഫ്ലിക്സ് യൂട്യൂബ് ചാനലിലൂടെ പങ്കുവച്ചു. ഒടിടി പ്ലാറ്റ്ഫോമായ നെറ്റ്ഫ്ലിക്സിലൂടെ സെപ്റ്റംബർ ഒന്നിനായിരിക്കും ചിത്രം പുറത്തിറങ്ങുന്നത്. ‘ഒരു മുറിയിൽ താമസിക്കുന്ന മേൽനോട്ടമില്ലാത്ത രണ്ട് സഹോദരങ്ങൾ അവർക്ക് വ്യത്യസ്ഥമായ ഫ്രൈഡേ നൈറ്റ് പ്ലാൻ ഉണ്ടായിരിക്കാം, സെപ്റ്റംബർ 1-ന് ബബില്‍ ഖാൻ , ജൂഹി ചൗള, അമൃത് ജയൻ, ആധ്യ ആനന്ദ്, മേധാ റാണ, നിനാദ് കാമത്ത് എന്നിവർ പ്രധാന വേഷത്തിൽ എത്തുന്നു. വികൃതിയായ വേഷമിട്ട അമൃത് ജയന്റെ ജ്യേഷ്ഠ കഥാപാത്രത്തെ ബബിൽ ഖാൻ അവതരിപ്പിക്കുന്നു. ഇരുവരും വളരെ മികച്ച ജോഡികളായാണ് ചിത്രത്തിൽ എത്തുന്നത്. യഥാർത്ഥ ജീവിതത്തിൽ ഒരു ഇളയ സഹോദരൻ ഉള്ളതിനാൽ ഈ സിനിമ തനിക്ക് വളരെ സാമ്യതയുള്ളതായി തോന്നുന്നുണ്ടെന്നും സ്വന്തം ജീവിതത്തിലെ നല്ല ഓർമ്മകൾ തിരികെ കൊണ്ടുവരാൻ ഇതിലൂടെ സാധിച്ചു എന്നും എക്സൽ എന്റർടെയ്ൻമെന്റുമായുള്ള എന്റെ ആദ്യ ചിത്രമാണെന്നും കൂടാതെ കാലയ്ക്ക് ശേഷം നെറ്റ്ഫ്ലിക്സുമായുള്ള തന്റെ രണ്ടാമത്തെ ചിത്രമാണെന്നും ഇതിന്റെ ഭാഗമാകാൻ സാധിച്ചതിൽ തനിക്ക് സന്തോഷമുണ്ടെന്നും ബബിൽ ഖാൻ പറഞ്ഞു. ഹൃദയസ്പർശിയായ ഈ ചിത്രം ആളുകളിലേക്ക് എത്തിക്കാൻ സാധിച്ചതിൽ തങ്ങൾക്ക് അതിയായ സന്തോഷമുണ്ടെന്ന് ചിത്രത്തിന്റെ നിർമാതാക്കളായ ഫർഹാൻ അക്തറും റിതേഷ് സിദ്ധ്വാനിയും പറഞ്ഞു.
എക്സൽ എന്റർടെയ്ൻമെന്റിന് കീഴിൽ വരുന്ന ആദ്യത്തെ ഹൈസ്കൂൾ സിനിമയാണിത്. ആ കാലഘട്ടത്തിലെ വളർച്ചകളും വേദനകളും ചിത്രീകരിച്ചിരിക്കുന്നു അതോടൊപ്പം തന്നെ വലിയ താരനിരയ്ക്കൊപ്പം പ്രവർത്തിക്കുന്നത് ആവേശകരമായിരുന്നെന്നും തങ്ങളുടെ സ്നേഹത്തിന്റെയും പ്രയത്നത്തിന്റെയും ഫലം നെറ്റ്ഫ്ലിക്സിലൂടെ
പ്രേക്ഷകരിലേക്ക് എത്തുമെന്ന് പ്രതീക്ഷിക്കുന്നു എന്നും അവർ കൂട്ടിച്ചേർത്തു.തന്റെ ആദ്യ ചിത്രമായ ഫ്രൈഡേ നൈറ്റ് പ്ലാൻ പ്രഖ്യാപിക്കുന്നത് നല്ല അനുഭവമാണെന്ന് സംവിധായകൻ വത്സൽ നീലകണ്ഠൻ പറയുന്നു. എല്ലാ പ്രേക്ഷകരെയും ഉൾക്കൊളിക്കുന്നസാഹോദര്യത്തിന്റെയും സ്വയം കണ്ടെത്തലിന്റെയും കഥയാണിതെന്നും സ്നേഹത്തിന്റെയും സൗഹൃദത്തിന്റെയും ചിത്രത്തിന്റെ ഭാഗമായ നെറ്റ്ഫ്ലിക്സിനോടും എക്സൽ എന്റർടെയ്ൻമെന്റിനോടും നന്ദി രേഖപ്പെടുത്തിയതായും കൂടുതൽ ആളുകളിലേക്ക് സിനിമ എത്തും എന്ന് പ്രതീക്ഷിക്കുന്നുവെന്നും നീലകണ്ഠൻ പറഞ്ഞു. പ്രീമിയർ ചെയ്യുന്നു, നെറ്റ്ഫ്ളിക്സിൽ മാത്രം’ എന്ന അടികുറിപ്പോടുകൂടിയാണ് ടീസർ പങ്കുവച്ചത്.
