ഡിടിപിസി കെട്ടിടത്തില്‍ നിന്നും കുടുംബശ്രീ സംരംഭകരെ ഇറക്കി വിട്ടതായി പരാതി
ഡിടിപിസി കെട്ടിടത്തിൽ കുടുംബശ്രീ സംരംഭകരെ ഇറക്കി വിട്ടതായി പരാതി. പത്തനംതിട്ട മലയാലപ്പുഴയിലാണ് സംഭവം. പാർട്ടി പത്രം പ്രസിദ്ധീകരിക്കാത്തതിനാലാണ് തങ്ങളെ പുറത്താക്കിയതെന്നാണ് വനിതാ സംരഭകര്‍ വാദം.
നിലവിലുള്ള സംരംഭകരെ ഒഴിവാക്കി പുതിയ ആളുകൾക്ക് കരാർ നൽകിയതായും ഇവർ പറയുന്നു. അതിനിടെ, സർക്കാർ ടെൻഡർ നൽകിയ ശേഷമാണ് കരാർ മറ്റ് ആളുകൾക്ക് നൽകിയതെന്നും 10 വർഷത്തേക്ക് ഒരേ ആളുകൾക്ക് കരാർ നൽകുന്നതിൽ പ്രശ്‌നങ്ങളുണ്ടെന്നും ഡിടിപിസി അവകാശപ്പെടുന്നു. ഇതിനുശേഷം, എയർകണ്ടീഷണർ ഉൾപ്പെടെയുള്ള ഉപകരണങ്ങൾ കുറഞ്ഞ വിലയ്ക്ക് വിറ്റ് സംരംഭകർ കെട്ടിടം വിട്ടു.
