സ്കൗട്ട് ആൻഡ് ഗൈഡ് ക്യാമ്പിനിടെ രണ്ടു വിദ്യാർത്ഥിനികൾ മുങ്ങി മരിച്ച സംഭവത്തില്‍ പൊലീസ് കേസെടുത്തു
മലപ്പുറം കരുളായി കരിമ്പുഴയിൽ സ്കൗട്ട് ആൻഡ് ഗൈഡ് ക്യാമ്പിനിടെ രണ്ട് വിദ്യാർഥിനികൾ മുങ്ങിമരിച്ച സംഭവത്തിൽ പൊലീസ് കേസെടുത്തു. സംഭവവുമായി ബന്ധപ്പെട്ട് അധ്യാപകർക്കെതിരെയും ബീറ്റ് ഫോറസ്റ്റ് ഓഫിസെറയും പ്രതികളാക്കിയാണ് പൊലീസ് കേസെടുത്തത്. കഴിഞ്ഞ ഫെബ്രുവരി ഒമ്പതിനാണ് കേസിന് ആസ്പദമായ സംഭവം നടന്നത്. ആറാം ക്ലാസ് വിദ്യാർഥിനി ഫാത്തിമ മുർഷിനയും ഒമ്പതാം ക്ലാസ് വിദ്യാർഥിനി ആയിഷ റൂദയുമാണ് മരിച്ചത്.
തിരൂർ കൽപകഞ്ചേരി എംഎസ്എം സ്കൂളിലാണ് കുട്ടികൾ പഠിച്ചത്. സെക്ഷൻ 304 എ പ്രകാരം അധ്യാപകർക്കും ടേൺ ഫോറസ്റ്റ് ഓഫീസർക്കും എതിരെ കേസെടുത്തു. വിദ്യാര്‍ത്ഥിനികളുടെ മുങ്ങി മരണത്തില്‍ ക്യാമ്പിലുണ്ടായിരുന്ന അധ്യാപകർക്കും ഉദ്യോഗസ്ഥനും വീഴ്ച വന്നു എന്ന കണ്ടെത്തലിലാണ് പൊലീസ് കേസെടുത്തത്.
