തമിഴ്‌നാട് മധുരയില്‍ ടിഫിന്‍ ബോക്സ് ബോംബാക്രമണം
തമിഴ്നാട്ടിലെ മധുരയിൽ ടിഫിൻ ബോക്സ് പൊട്ടിത്തെറിച്ച് രണ്ട് പേർക്ക് പരിക്ക്. മധുര മേലൂർ സ്വദേശി നവീൻകുമാറിനും കാർ ഡ്രൈവർക്കും പരിക്കേറ്റു. രണ്ട് പേരെ പൊലീസ് അറസ്റ്റ് ചെയ്തു. ക്ഷേത്രാചാരങ്ങളുമായി ബന്ധപ്പെട്ട മുൻ വൈരാഗ്യമാണ് ആക്രമണത്തിന് കാരണമെന്ന് പറയപ്പെടുന്നു.
മധുര ജില്ലയിലെ മേലൂരിന് സമീപമാണ് സംഭവം. ഗീതാവാർ സ്വദേശിയായ നവീൻ കുമാറും പ്രതിയുമായി കുറച്ചുകാലമായി ശത്രുതയുണ്ടായിരുന്നു. വീര കാളിയമ്മൻ ക്ഷേത്രത്തിലെ ഉത്സവവുമായി ബന്ധപ്പെട്ടുണ്ടായ സംഘർഷമാണ് സ്‌ഫോടനത്തിലേക്ക് നയിച്ചത്. പ്രതികളായ വീര്യത്വനും അശോകനും കാർത്തിയും ചേർന്ന് ടിഫിൻ ബോക്‌സിൽ തയ്യാറാക്കിയ ബോംബ് ബസിനു സമീപം കാറിൽ ഇരിക്കുകയായിരുന്ന നവീൻ കുമാറിനു നേരെ എറിഞ്ഞു.
