തമിഴ് സിനിമാ നടൻ ഡാനിയേൽ ബാലാജി അന്തരിച്ചു
തമിഴ് നടൻ ഡാനിയൽ ബാലാജി (48) അന്തരിച്ചു. ഹൃദയാഘാതം മൂലമാണ് മരിച്ചത്. നെഞ്ചുവേദനയെ തുടർന്ന് ചെന്നൈ കൊട്ടിവാക്കത്തെ ആശുപത്രിയിൽ പ്രവേശിപ്പിച്ചു. സംസ്കാര ചടങ്ങുകൾ ഇന്ന് വസതിയിൽ നടക്കും.
1975ൽ ജനിച്ച ടി സി ബാലാജി എന്ന ഡാനിയൽ ബാലാജി നിരവധി തമിഴ് സിനിമകളിൽ ശ്രദ്ധേയമായ വേഷങ്ങൾ ചെയ്തിട്ടുണ്ട്. മലയാളം, തെലുങ്ക്, കന്നഡ സിനിമകളിലും അഭിനയിച്ചിട്ടുള്ള അദ്ദേഹം കമൽഹാസൻ്റെ റിലീസ് ചെയ്യാത്ത മാർത്താനായകിൽ പ്രൊഡക്ഷൻ മാനേജരായാണ് ചലച്ചിത്രരംഗത്തേക്ക് പ്രവേശിച്ചത്. പിന്നീട് ഒരു തമിഴ് ടെലിവിഷൻ പരമ്പരയിലൂടെ അഭിനയരംഗത്തേക്ക് കടന്നു.
