കാണുമ്പോഴെല്ലാം കളിയാക്കുന്നുവെന്ന് ആരോപിച്ച് പെൺകുട്ടിയെ യുവാവ് കുത്തിവീഴ്ത്തി

കാണുമ്പോഴെല്ലാം കളിയാക്കുന്നുവെന്ന് ആരോപിച്ച് പെൺകുട്ടിയെ യുവാവ് കുത്തിവീഴ്ത്തി, ഡൽഹി മുഖർജി നഗറിലാണ് സംഭവം. ആക്രമണത്തിൻ്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. പ്രതിയെ പോലീസ് അറസ്റ്റ് ചെയ്തു.

മാർച്ച് 22നായിരുന്നു ഈ സംഭവം. മുഖർജി നഗറിലെ ലൈബ്രറിയിലേക്ക് പോവുകയായിരുന്ന പെൺകുട്ടിയെ പ്രതി കുത്തുകയായിരുന്നു. പോലീസ് പറയുന്നതനുസരിച്ച്, പെൺകുട്ടിയും അവളുടെ സുഹൃത്തും യുവാവിനെ കാണുമ്പോഴെല്ലാം “ഭ്രാന്തൻ” എന്ന് വിളിച്ച് കളിയാക്കിയിരുന്നു. യുവാവ് ആദ്യം കാര്യമാക്കിയില്ല. എന്നാൽ ഇത് പതിവായതോടെ ആക്രമിക്കാൻ തീരുമാനിക്കുകയായിരുന്നുവെന്നും പൊലീസ്.