പേരാമ്പ്ര കൊലപാതകം; മുജീബ് കൊടും കുറ്റവാളി

പേരാമ്പ്രയിൽ അനു എന്ന യുവതിയെ കൊലപ്പെടുത്തിയ കേസിൽ അറസ്റ്റിലായ കൊണ്ടോട്ടി സ്വദേശി മുജീബ് റഹ്മാനെക്കുറിച്ച് ഞെട്ടിക്കുന്ന വിവരങ്ങൾ. വിവാദമായ മുത്തേരി ബലാത്സംഗക്കേസിലെ ഒന്നാം പ്രതി മുജീബ് റഹ്മാനാണ് എന്നതാണ് പുതിയ വാർത്ത. കുപ്രസിദ്ധ കാർ മോഷ്ടാവ് വീരപ്പൻ റഹീമിൻ്റെ അനുയായിയാണ് മുജീബ് എന്ന വാർത്തയും ഞെട്ടിക്കുന്നതാണ്. 2020 സെപ്റ്റംബറിലാണ് മുത്തേരി ബലാത്സംഗക്കേസ് നടക്കുന്നത്. അനുവിൻ്റേതിന് സമാനമായ കേസായതിനാൽ, പോലീസിന് പെട്ടെന്ന് ബന്ധം കണ്ടെത്താൻ കഴിഞ്ഞു. കോഴിക്കോട് മുത്തേരിയിൽ ജോലിക്ക് പോവുകയായിരുന്ന വയോധികയെ മോഷ്ടിച്ച കാറിലെത്തി കാറിൽ കയറ്റി കൈകാലുകൾ ബന്ധിച്ച് ബലാത്സംഗം ചെയ്ത് കവർച്ച നടത്തിയെന്നായിരുന്നു കേസ്.

മുത്തേരി കേസാണ് അനുവിൻ്റെ കൊലപാതകവുമായി ബന്ധപ്പെട്ട് മുജീബിൻ്റെ അറസ്റ്റിലേക്ക് നയിച്ചതെന്നാണ് പോലീസ് സംശയിക്കുന്നത്. നേരത്തെ തന്നെ നിരവധി കുറ്റകൃത്യങ്ങൾ ചെയ്തിട്ടുള്ള മുജീബ് ക്രൈമിൽ ഉണ്ടെന്നും പോലീസ് നേരത്തെ തന്നെ വ്യക്തമാക്കിയിട്ടുണ്ട്.

എന്നാലിപ്പോള്‍ പുറത്തുവരുന്ന വിവരങ്ങള്‍ അനുസരിച്ച് വെറുമൊരു ‘ക്രിമിനല്‍’ മാത്രമല്ല കൊടും കുറ്റവാളിയാണ് മുജീബ് എന്നാണ് മനസിലാകുന്നത്. കുപ്രസിദ്ധ വാഹനമോഷ്ടാവ് വീരപ്പൻ റഹീമിന്‍റെ കൂടെയായിരുന്നു ഏറെ ക്കാലം മുജീബ്. മലപ്പുറത്ത് പഴയ, നിരവധി വാഹന മോഷണക്കേസുകളില്‍ പ്രതിയായിരുന്നു വീരപ്പൻ റഹീം. പിന്നീട് ഇയാളുമായി പിരിഞ്ഞ് മുജീബ് തനിയെ വാഹനമോഷണം തുടങ്ങി.