ഡല്‍ഹി മദ്യനയ അഴിമതിക്കേസില്‍ ഡല്‍ഹി മുഖ്യമന്ത്രി അരിവിന്ദ് കെജ്‌രിവാളിന് മുന്‍കൂര്‍ ജാമ്യം
ഡൽഹിയിലെ മദ്യനയത്തിലെ അഴിമതി കേസിൽ ഡൽഹി മുഖ്യമന്ത്രി അരവിന്ദ് കെജ്‌രിവാളിന് മുൻകൂർ ജാമ്യം ലഭിച്ചു. റൗസ് അവന്യു കോടതിയാണ് ജാമ്യം അനുവദിച്ചിരിക്കുന്നത്. 15,000 രൂപയുടെയും ബോണ്ടും ആള്‍ ജാമ്യവും ഉള്‍പ്പെടെയുള്ള നിബന്ധനകള്‍ കൊണ്ടാണ് ജാമ്യം അനുവദിച്ചിരിക്കുന്നത്. ഇഡി നൽകിയ പരാതിയുടെ അടിസ്ഥാനത്തിലാണ് ജാമ്യം അനുവദിച്ചത്. എട്ട് സമൻസ് അയച്ചതിന് ശേഷം ഇഡി കോടതിയെ സമീപിച്ചെങ്കിലും അവർ ഹാജരായില്ല.
മദ്യനയക്കേസില്‍ ചോദ്യം ചെയ്യാന്‍ നോട്ടീസുകള്‍ ഇഡി നല്‍കിയിട്ടും കെജ്രിവാള്‍ ഹാജരായിരുന്നില്ല. തുടര്‍ന്ന് ഇഡി നല്‍കിയ അപേക്ഷയില്‍ നേരിട്ട് ഹാജരാകാന്‍ കോടതി നിര്‍ദ്ദേശിച്ചിരുന്നെങ്കിലും ഓണ്‍ലൈനായിട്ടാണ് കെജ്രിവാള്‍ റൗസ് അവന്യു കോടതിയില്‍ ഹാജരായത്. സമൻസ് നടപ്പാക്കുന്നത് സ്‌റ്റേ ചെയ്യണമെന്ന കെജ്‌രിവാളിൻ്റെ ഹർജി ഡൽഹി സെഷൻസ് കോടതി ഇന്നലെ തള്ളിയിരുന്നു. കേസിലെ പ്രതികളിലൊരാളായ സമീർ മഹേന്ദ്രുവുമായി കെജ്‌രിവാൾ വീഡിയോ കോൾ നടത്തിയെന്നും മറ്റൊരു പ്രതിയായ വിജയ് നായരുമായി പ്രവർത്തിക്കാൻ ആവശ്യപ്പെട്ടെന്നും ഇഡി അവകാശപ്പെടുന്നു.
