ഫുട്ബാൾ മത്സരത്തിനിടെയുണ്ടായ സംഘര്‍ഷം; ഐവറി കോസ്റ്റ് താരം ഹസൻ ജൂനിയറിനെതിരെയും കേസ്
മലപ്പുറം അരീക്കോട് ഫുട്ബോൾ മത്സരത്തിനിടെയുണ്ടായ തർക്കത്തിൽ ഐവറിയൻ താരം ഹസ്സൻ ജൂനിയറിനെതിരെയും പോലീസ് കേസെടുത്തു. അരീക്കോട് സ്വദേശിയുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. കളിയ്ക്കാനെത്തിയപ്പോൾ മർദിച്ചെന്നാണ് പരാതി. ഭീഷണിപ്പെടുത്തൽ, ശാരീരിക ശിക്ഷ, അസഭ്യം തുടങ്ങിയ കുറ്റങ്ങളാണ് ചുമത്തിയിരിക്കുന്നത്.
കാണികൾ വംശീയ അധിക്ഷേപം നടത്തിയെന്ന് ഐവറി കോസ്റ്റ് താരം ആരോപിച്ചു. ഹസ്സൻ ജൂനിയർ. രക്ഷപ്പെടുന്നതിനിടെ കല്ലെറിയുകയും മർദിക്കുകയും ചെയ്തതായി കാണിച്ച് മലപ്പുറം ജില്ലാ പോലീസ് മേധാവിക്ക് പരാതി നൽകി. കളിക്കിടെ കോൺറെടുക്കാൻ പോയ തന്നെ കാണികൾ കുരങ്ങനെന്ന് വിളിച്ചെന്നും ഒരാൾ കല്ലെറിഞ്ഞെന്നുമാണ് ഹസൻ ജൂനിയർ പരാതിൽ പറയുന്നത്. തിരിഞ്ഞുനിന്ന തന്‍റെ നേരെ ഇയാൾ വീണ്ടും കല്ലെറിഞ്ഞു. വംശീയാധിക്ഷേപം തുടർന്ന് കല്ലെറിഞ്ഞതോടെ താൻ അവിടെ നിന്ന് പോയി. ഇതിനിടെ എതിർ ടീമിന്‍റെ മാനേജ്മെന്‍റും കാണികളും തന്നെ ആക്രമിച്ചെന്നും എസ്പിക്ക് നൽകിയ പരാതിയിലുണ്ട്.
