ഇടുക്കി നെടുങ്കണ്ടത്ത് തേനീച്ച കുത്തേറ്റ് വയോധികയ്ക്ക് ദാരുണാന്ത്യം

ഇടുക്കി നെടുങ്കണ്ടത്ത് തേനീച്ചയുടെ കുത്തേറ്റ് വയോധിക മരിച്ചു. അൻപടേക്കർ പനച്ചിക്കമുക്കിൽ എം.എൻ.തുളസി (85) അന്തരിച്ചു. ഗുരുതരമായി പരിക്കേറ്റ തുളസിയെ തേനി മെഡിക്കൽ കോളേജിൽ പ്രവേശിപ്പിച്ചു. ചികിത്സയിലിരിക്കെ മരിച്ചു. ഇന്നലെ ഉച്ചയോടെയാണ് തുളസിക്ക് തേനീച്ച കുത്തേറ്റത്.

വീട്ടിലെ ആട്ടിൻ കൂടിനുള്ളിൽ നിന്ന് ആടുകളുടെ ബഹളം കേട്ട് എന്താണെന്ന് അന്വേഷിച്ച് പോയതായിരുന്നു തുളസി. ഇവിടെ സമീപത്തുണ്ടായിരുന്ന പെരുന്തേനീച്ച കൂട് ഇളകിയതായിരുന്നു. ഇവിടെ നിന്നാണ് തേനീച്ചകൾ തുളസിയെ ആക്രമിച്ചത്. ഇവരെ ആദ്യം അടുത്തുള്ള ആശുപത്രിയിൽ എത്തിച്ചെങ്കിലും ഗുരുതരമായി പരിക്കേറ്റ ഇവരെ തേനി മെഡിക്കൽ കോളേജിലേക്ക് മാറ്റി.