വിരമിക്കുന്ന അധ്യാപകർക്ക് യാത്രയയപ്പ് നൽകി…
പൊന്നാനി: ഉപജില്ലയിലെ വിരമിക്കുന്ന അധ്യാപകർക്ക് പൊന്നാനി ഉപജില്ല കെ.പി.എസ്.ടി.എ യാത്രയയപ്പ് നൽകി. എ.വി സ്കൂൾ മുറ്റത്ത് നടന്ന സമ്മേളനം സംസ്ഥാന പ്രസിഡന്റ് കെ അബ്ദുൽ മജീദ് ഉദ്ഘാടനം ചെയ്തു. ഉപജില്ലാ പ്രസിഡൻ്റ് സി റഫീഖ് അധ്യക്ഷനായി.
സംസ്ഥാന സെക്രട്ടറി കെ സുരേഷ് മുഖ്യപ്രഭാഷണവും ജില്ലാ ട്രഷറർ കെ ബിജു ഉപഹാര സമർപ്പണവും നടത്തി. സംസ്ഥാന നിർവ്വാഹക സമിതി അംഗങ്ങളായ ടി.കെ സതീശൻ, എം.കെ.എം അബ്ദുൽ ഫൈസൽ, സംസ്ഥാന കമ്മിറ്റി അംഗം പി ഹസീന ബാൻ, കോൺഗ്രസ് മണ്ഡലം പ്രസിഡന്റ് കെ ജയപ്രകാശ്, ദിപു ജോൺ, പി ശ്രീദേവി, ടി.വി നൂറുൽ അമീൻ, മുഷ്ത്താഖലി, കെ.എസ് സുമേഷ്, ഷീജ, എൻ മനോജ്, സോഫി ജോൺ പ്രസംഗിച്ചു.
വിരമിക്കുന്ന അധ്യാപകരായ സി മോഹൻദാസ്, പി റീത്ത, കൃഷ്ണകുമാർ, നഷ്റിൻ അബ്ദുറഹിമാൻ, ഹൈറുന്നിസ, ഡീന ഫ്രാൻസിസ്, സുരേഷ് കാരാട്ട് തുടങ്ങിയവർ മറുപടി പ്രസംഗം നടത്തി. വിരമിക്കുന്ന അധ്യാപകർക്കും ജില്ലാ സർഗോത്സവം, കായികോത്സവം എന്നിവയിലെ ജേതാക്കൾക്കും ഉപഹാരം നൽകി.
കായിക മേഖലയിൽ ശ്രദ്ധേയരായ പി ഹസ്സൻ കോയ, ഖാദർ കുട്ടി, ദിപു ജോൺ, കെ.വി ആനിഫ് എന്നിവർക്ക് ഉപഹാരം നൽകി അനുമോദിച്ചു. സംസ്ഥാന, ജില്ലാ തലങ്ങളിൽ വിവിധ സ്ഥാനങ്ങൾ ഏറ്റെടുത്ത ഉപജില്ലയിലെ നേതാക്കൾ സ്വീകരണം ഏറ്റുവാങ്ങി.
ഉപജില്ല ഭാരവാഹികളായ ഹെൽബിൻ, കെ ഷജ്മ, സജ്ലത്ത്, നീതു, ഗീവർഗീസ്, ബൈജു തുടങ്ങിയവർ നേതൃത്വം നൽകി.
