April 4, 2025, 6:54 pm

ചേര്‍ത്തല പള്ളിപ്പുറത്ത് യുവതിയെ നടുറോഡില്‍ കുത്തിക്കൊലപ്പെടുത്തിയ ഭര്‍ത്താവ് പിടിയില്‍

ചേർത്തല പള്ളിയിൽ യുവതിയെ നടുറോഡിൽ കുത്തിക്കൊന്ന സംഭവത്തിൽ ഭർത്താവ് അറസ്റ്റിൽ. പള്ളിപ്പുറം ഉത്തപ്പുന സ്വദേശി രാജേഷ് (45) ആണ് അറസ്റ്റിലായത്. ഇന്നലെ അര്‍ധരാത്രിയോടെ കഞ്ഞിക്കുഴിയിലെ ബാറിന് സമീപത്തുനിന്നാണ് ഇയാള്‍ പിടിയിലായത്.

ജലഗതാഗത വകുപ്പ് ജീവനക്കാരനാണ് അറസ്റ്റിലായ രാജേഷ്. കുടുംബ വഴക്കാണ് കൊലപാതകത്തിന് കാരണമെന്ന് പോലീസ് പറഞ്ഞു. ഇന്നലെ രാത്രി ഏഴിനാണ് പള്ളിപ്പുറം പള്ളിച്ചന്തയ്ക്കു സമീപം കേളമംഗലം സ്വദേശി അമ്പിളി കൊല്ലപ്പെട്ടത്.

രാജേഷിൻ്റെ ആക്രമണത്തിൽ ഗുരുതരമായി പരിക്കേറ്റ അമ്പിളിയെ ഉടൻ ചേർത്തല കെവിഎം ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അമ്പിളിയെ വെട്ടിയ ശേഷം രാജേഷ് ഓടി രക്ഷപ്പെട്ടു. പിന്നീട് നടത്തിയ പരിശോധനയിലാണ് ഇയാൾ പിടിയിലായത്.