മൂന്നാർ കല്ലാർ മാലിന്യ പ്ലാന്റിൽ വീണ്ടുമെത്തി പടയപ്പ

പടയപ്പ മൂന്നാർ കല്ലാർ മാലിന്യ പ്ലാൻ്റിൽ തിരിച്ചെത്തി. ഫാക്ടറിയിലെ പ്ലാസ്റ്റിക് മാലിന്യങ്ങളും മറ്റും ആന തിന്നുന്നു. അതിരപ്പള്ളി വെറ്റിലപ്പാറയിൽ പെട്രോൾ പമ്പിന് സമീപം ഇറങ്ങിയ കാട്ടാന ഏറെ നേരം ഗതാഗതം തടസ്സപ്പെടുത്തി.

ഒരു ഇടവേളയ്ക്ക് ശേഷമാണ് വീണ്ടും പടയപ്പ കല്ലാർ മാലിന്യ പ്ലാന്റിൽ എത്തുന്നത്. മൂന്നാറിൽ നിന്ന് ശേഖരിക്കുന്ന പ്ലാസ്റ്റിക് ഉൾപ്പെടെയുള്ള മാലിന്യങ്ങളാണ് പടയപ്പ ഭക്ഷിക്കുന്നത്. കാട്ടാന ഫാക്ടറിയിലെത്തുന്നത് ജീവനക്കാർക്കും ബുദ്ധിമുട്ടുണ്ടാക്കുന്നു. ജനവാസ മേഖലയ്‌ക്കൊപ്പം പടയപ്പ ചുറ്റി സഞ്ചരിക്കുന്നതും പ്രദേശവാസികൾക്ക് ബുദ്ധിമുട്ടാണ്. പടയപ്പ ഉൾപ്പെടെയുള്ള കാട്ടാനകൾ മാലിന്യ പ്ലാൻ്റിൽ കയറുന്നത് തടയാൻ നടപടി സ്വീകരിക്കുമെന്ന് മൂന്നാർ പഞ്ചായത്ത് നേരത്തെ അറിയിച്ചിരുന്നു. എന്നാൽ, നടപടിയുണ്ടായില്ല.