ഗവ. മെഡിക്കല്‍ കോളജ് കാമ്പസില്‍ കുടിവെള്ള ക്ഷാമം അതിരൂക്ഷം
സംസ്ഥാന മെഡിക്കൽ കോളേജ് കാമ്പസിൽ രൂക്ഷമായ കുടിവെള്ളക്ഷാമം. കാമ്പസിലെ ക്വാര്‍ട്ടേഴ്‌സുകളിലെ പല താമസക്കാരും താമസം മാറി. ആശുപത്രികൾ പ്രതിസന്ധിയിലാണ്. ജലക്ഷാമം മൂലം മുളങ്കുന്നത്തുകാവ് ഇ.എസ്.ഐ. ആശുപത്രിയിലെ ഡയാലിസിസ് മുറി അടഞ്ഞുകിടന്നു. മുമ്പ് ദിവസവും പത്തോളം ഡയാലിസിസ് ചികിത്സകൾ ഇവിടെ നടത്തിയിരുന്നു.
മെഡിക്കൽ ഫാക്കൽറ്റി വിഭാഗങ്ങളിൽ രാവിലെയും വൈകുന്നേരവുമാണ് ജലവിതരണം നടക്കുന്നത്. ഡയാലിസിസ് ചെയ്യുന്നവരുടെ എണ്ണം കുറയ്ക്കാനും പദ്ധതിയുണ്ട്. സ്വകാര്യ സ്ഥാപനം പുറത്തുനിന്ന് എത്തിക്കുന്ന വെള്ളം ഉപയോഗിച്ചാണ് ആശുപത്രിയുടെ ദൈനംദിന പ്രവർത്തനങ്ങൾ നടക്കുന്നത്. ടാങ്കുകൾ കാലിയാക്കിയതോടെ ഈ പ്രതിസന്ധി രൂക്ഷമായി.
