കുചേല വേഷം കെട്ടുന്നതിനിടെ കലാകാരൻ വടക്കുംഞ്ചേരി വികെ ശേഖരൻ നിര്യാതനായി
ചാവക്കാട് പാലയൂരിൽ ഭൂതക്കളത്തിൽ കുചേല വേഷം കെട്ടുന്നതിനിടെ കലാകാരനും സാമൂഹ്യ പ്രവർത്തകനുമായ വടക്കുംഞ്ചേരി വി കെ ശേഖരൻ (96) അന്തരിച്ചു. പാലയൂർ വടക്കുംഞ്ചേരി ക്ഷേത്രത്തിൽ ചൊവ്വാഴ്ച വൈകീട്ട് 10 മണിയോടെയാണ് കളഭട്ടം നടന്നത്. രാവിലെ 10.30ന് ശേഖരൻ വേദിയിലെത്തി. ഓലക്കുടയും സഞ്ചിയുമായി താളം പിടിച്ച് നടന്നു വരുന്നതിനിടെ അവശനായി കസേരയിൽ ഇരുന്നു.
ആരോഗ്യനില ഗുരുതരമായതിനെ തുടർന്ന് ഹയാത്ത് ചാവക്കാട് ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ശ്രീലങ്കയിലും മുംബൈയിലും ദുബായിലുമായി ദീർഘകാലം താമസിച്ചു. ദുബായ് ദല എന്ന സംഘടനയുടെ വൈസ്പ്രസിഡണ്ടായിരുന്നു അദ്ദേഹം.
