ദുബായിലേക്കും തിരിച്ചുമുള്ള വിമാന സര്‍വീസുകള്‍ റദ്ദാക്കിയതായി എയര്‍ ഇന്ത്യ
ദുബായിലേക്കും തിരിച്ചുമുള്ള വിമാനങ്ങൾ എയർ ഇന്ത്യ റദ്ദാക്കി. വിമാനത്താവളത്തിൽ തടസ്സങ്ങൾ നിലനിൽക്കുന്നതിനെ തുടർന്നാണ് സർവീസ് നിർത്തിവെച്ചത്. പ്രശ്‌നങ്ങൾ ഉടൻ പരിഹരിക്കുമെന്നും അതിനുശേഷം വിമാനങ്ങൾ പുനരാരംഭിക്കുമെന്നും എയർ ഇന്ത്യ അറിയിച്ചു. ഏപ്രിൽ 21 ന് മുമ്പ് എയർ ഇന്ത്യ വിമാനങ്ങൾ ബുക്ക് ചെയ്ത എല്ലാ യാത്രക്കാർക്കും റീഫണ്ടും റീബുക്കിംഗ് കിഴിവും ലഭിക്കും. കൂടുതൽ വിവരങ്ങൾക്ക് 011-69329333/011-69329999 എന്ന നമ്പറിൽ വിളിക്കുക അല്ലെങ്കിൽ എയർ ഇന്ത്യയുടെ വെബ്സൈറ്റ് http://airindia.com സന്ദർശിക്കുക.
മിഡിൽ ഈസ്റ്റിലെ പ്രത്യേക സാഹചര്യം കണക്കിലെടുത്ത് ടെൽ അവീവിലേക്കും തിരിച്ചുമുള്ള വിമാനങ്ങളും എയർ ഇന്ത്യ റദ്ദാക്കി. യാത്രക്കാരുടെയും ജീവനക്കാരുടെയും സുരക്ഷയാണ് തങ്ങളുടെ പ്രഥമ പരിഗണനയെന്ന് എയർ ഇന്ത്യ പ്രതികരിച്ചു.
