ഒന്നും രണ്ടുമല്ല. അഞ്ച് കോടി! ഇത് രാജ്യത്തെ രണ്ട് ക്ഷേത്രങ്ങൾക്ക് അനന്ത് അംബാനിയുടെ സംഭാവന
ഇന്ത്യയിലെ ഏറ്റവും വലിയ കോടീശ്വരനായ മുകേഷ് അംബാനിയുടെ ഇളയ മകൻ അനന്ത് അംബാനി രാജ്യത്തെ രണ്ട് പ്രശസ്ത ക്ഷേത്രങ്ങൾക്ക് അഞ്ച് കോടി രൂപ സംഭാവന നൽകി ഒഡീഷയിലെ ജഗന്നാഥ ക്ഷേത്രത്തിനും അസമിലെ മാ കാമാഖ്യ ക്ഷേത്രത്തിനും 2,51,00,000 രൂപ വീതമാണ് അനന്ത് അംബാനി സംഭാവന നൽകിയത്. ചൈത്ര നവരാത്രി ആഘോഷങ്ങളോട് അനുബന്ധിച്ച് ഇന്നലെ അനന്ത് അംബാനി കാമാഖ്യ ക്ഷേത്രം സന്ദർശിച്ചിട്ടുണ്ട്.
റിലയൻസ് വെഞ്ചേഴ്‌സ് ലിമിറ്റഡ് ഡയറക്ടർ അനന്ത് അംബാനി കാമാഖ്യ ക്ഷേത്രം സന്ദർശിച്ച് ക്ഷേത്രപരിസരത്ത് പ്രാവുകളെ തുറന്നുവിട്ടു. നിൽചൽ ഹിൽസിലെ മാ ബഗലാമുഖി ക്ഷേത്രവും അദ്ദേഹം സന്ദർശിച്ചു. അനന്ത് അംബാനിയും രാധിക മർച്ചൻ്റും ഇന്ത്യയിലെ ക്ഷേത്രങ്ങൾ സന്ദർശിക്കാറുണ്ട്. ഈ വർഷം, ഗുജറാത്തിലെ ജാംനഗറിൽ അംബാനി കുടുംബം അടുത്തിടെ 14 പുതിയ ക്ഷേത്രങ്ങളുടെ നിർമ്മാണം പൂർത്തിയാക്കി. ഈ വർഷം ഗുജറാത്തിലെ ജാംനഗറിലാണ് അനന്ത് അംബാനിയുടെയും രാധിക മർച്ചൻ്റിൻ്റെയും വിവാഹത്തിന് മുമ്പുള്ള ആഘോഷങ്ങൾ നടന്നത്. ഈ പശ്ചാത്തലത്തിൽ അംബാനി കുടുംബമാണ് ക്ഷേത്രങ്ങൾ നിർമ്മിച്ചത്. മാർച്ച് 1 മുതൽ 3 വരെ നടന്ന മൂന്ന് ദിവസത്തെ വിവാഹത്തിന് മുമ്പുള്ള പാർട്ടിയിൽ ഹോളിവുഡ് അഭിനേതാക്കളും കോടീശ്വരന്മാരും ബോളിവുഡ് താരങ്ങളും ഉൾപ്പെടെയുള്ള പ്രമുഖർ പങ്കെടുത്തു.
