സാങ്കേതിക സർവകലാശാല വൈസ് ചാൻസലർ നിയമനത്തിന് സ്വന്തം നിലയ്ക്ക് സെർച്ച് കമ്മിറ്റി രൂപീകരിച്ച് സർക്കാർ
സാങ്കേതിക സർവകലാശാല വൈസ് ചാൻസലർ നിയമനത്തിന് സ്വന്തം നിലയ്ക്ക് സെർച്ച് കമ്മിറ്റി രൂപീകരിച്ച് സർക്കാർ. സർവകലാശാലകളിൽ വിസി നിയമനത്തിന് ഗവർണറോട് നിർദേശിക്കണമെന്ന ഹർജി നാളെ കോടതി പരിഗണിക്കാനിരിക്കേയാണ് സർക്കാർ നീക്കം. സെർച്ച് കമ്മിറ്റി രൂപീകരിച്ചുകൊണ്ട് സർക്കാർ ഉത്തരവ് പുറത്തിറക്കി. സുപ്രിംകോടതി വിധിയനുസരിച്ച് ഗവർണർക്കാണ് വിസിമാരെ നിയമിക്കാനും സെർച്ച് കമ്മിറ്റി രൂപീകരിക്കാനും അധികാരം.
സ്ഥാനാർത്ഥിയെ ശുപാർശ ചെയ്യാൻ സർക്കാർ രാജ്ഭവനോട് ആവശ്യപ്പെട്ടിട്ടുണ്ട്. എന്നാൽ രാജ്ഭവൻ ഇക്കാര്യത്തിൽ പ്രതികരിച്ചിട്ടില്ല. തുടർന്ന് സർക്കാർ സ്വന്തമായി സെർച്ച് കമ്മിറ്റി രൂപീകരിക്കാൻ ഉത്തരവിട്ടു. രാഷ്ട്രപതി അംഗീകരിക്കാൻ വിസമ്മതിച്ച ബില്ലിലെ വ്യവസ്ഥകളുടെ അടിസ്ഥാനത്തിലാണ് സർക്കാർ ഉത്തരവ്.
