ചെന്നൈയിൽ ട്രെയിനിൽ കടത്തിയ 4 കോടി രൂപ പിടിച്ചെടുത്തു

ചെന്നൈയിൽ ട്രെയിനിൽ 4 കോടി പിടിച്ചെടുത്തു സംഭവത്തിൽ തിരുനെൽവേലിയിലെ ബിജെപി സ്ഥാനാർഥി നൈനാർ നാഗേന്ദ്രൻ്റെ ബന്ധു ഉൾപ്പെടെ മൂന്നു പേർ അറസ്റ്റിലായി. തിരുനെൽവേലി എക്‌സ്പ്രസ് ട്രെയിനിൽ നിന്നാണ് പണം പിടിച്ചെടുത്തത്. രഹസ്യവിവരത്തെ തുടർന്ന് ഇലക്ടറൽ ടാസ്‌ക് ഫോഴ്‌സ് ഉദ്യോഗസ്ഥർ നടത്തിയ പരിശോധനയിലാണ് പണം പിടികൂടിയത്.

സതീഷ് (33), നവീൻ (31), പേരമാൾ (25) എന്നിവരാണ് അറസ്റ്റിലായത്. സതീഷ് ബിജെപി പ്രവർത്തകൻ കൂടിയാണ്. ആറ് ബാഗുകളിലായി സൂക്ഷിച്ചിരുന്ന പണം ട്രെയിനിലെ എസി കമ്പാർട്ടുമെൻ്റിൽ നിന്ന് കണ്ടെടുത്തു. പിടിച്ചെടുത്ത പണം വോട്ടർമാർക്ക് വിതരണം ചെയ്യാൻ ഉപയോഗിച്ചതായി സംശയമുണ്ട്. മൂവരും നൈനാർ നാഗേന്ദ്രൻ്റെ ഹോട്ടലിലെ ജീവനക്കാരാണെന്ന് പോലീസ് പറഞ്ഞു.