കട്ടപ്പനയിൽ നടുറോഡിൽ ഓട്ടോഡ്രൈവർക്ക് ക്രൂര മർദനം
കട്ടപ്പനിൽ ഡ്രൈവർക്ക് നടുറോഡിൽ ക്രൂര മർദനമേറ്റു. പെരുംകവല സ്വദേശി സുനിൽകുമാറിനാണ് ക്രൂര മർദനമേറ്റത്. ഭൂമി തർക്കത്തെ ചൊല്ലി സമീപവാസികൾ തമ്മിൽ തർക്കമുണ്ട്. ആക്രമണം നടത്തിയ മൂന്ന് പേരെ പൊലീസ് അറസ്റ്റ് ചെയ്തു. ഇന്നലെ രാത്രി കട്ടപ്പന തന്നയാർ റോഡിലായിരുന്നു സംഭവം.
ഭാര്യയ്ക്കും മകൾക്കുമൊപ്പം കാറിൽ വീട്ടിലേക്ക് പോകുമ്പോഴായിരുന്നു ആക്രമണം. കട്ടപ്പന സ്വദേശികളായ സാബു, സുരേഷ്, ബാബു എന്നിവരാണ് സുനിൽകുമാറിനെ റോഡിൽ തടഞ്ഞുനിർത്തി ക്രൂരമായി മർദിച്ചത്. സുനിൽകുമാറിനെ റോഡിലേക്ക് തള്ളിയശേഷം വടികൊണ്ട് മർദിച്ചു.
