ലോക്സഭാ തെരഞ്ഞെടുപ്പ് അടുത്തിരിക്കെ പ്രധാനമന്ത്രി നരേന്ദ്രമോദി നാളെ വീണ്ടും കേരളത്തിലെത്തും

ലോക്‌സഭാ തിരഞ്ഞെടുപ്പ് അടുത്തിരിക്കെ പ്രധാനമന്ത്രി നരേന്ദ്ര മോദി നാളെ വീണ്ടും കേരളത്തിലെത്തും.ബിജെപിയുടെ എ പ്ലസ് മണ്ഡലമായ പാലക്കാട് അദ്ദേഹം റോഡ് ഷോ നടത്തും. സന്ദർശനത്തിന് മുന്നോടിയായി പാലക്കാട് നഗരത്തിൽ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്.

50,000 ത്തോളം പേരെ അണിനിരത്താനാണ് ബിജെപി ജില്ലാ നേതൃത്വത്തിൻ്റെ തീരുമാനം. ഒരുക്കങ്ങളെല്ലാം പൂർത്തിയായതായി മാനേജ്‌മെൻ്റ് അറിയിച്ചു. മോദിയുടെ മൂന്നാമത്തെ പാലക്കാട് സന്ദർശനമാണിത്. 2016ലെയും 21ലെയും പൊതുതിരഞ്ഞെടുപ്പുകളിൽ അദ്ദേഹം നേരത്തെ മണ്ഡലം സന്ദർശിച്ചിരുന്നു.