തിരുവനന്തപുരം വർക്കലയിൽ 23 കാരന്റെ മരണ കാരണം ഭക്ഷ്യവിഷബാധയെന്ന് ബന്ധുക്കൾ
തിരുവനന്തപുരം വർക്കലയിൽ മരിച്ച 23കാരന് ഭക്ഷ്യവിഷബാധയേറ്റതായി ബന്ധുക്കൾ. വർക്കല ഇലകമൺ സ്വദേശി വിനുവാണ് ഇന്ന് രാവിലെ മരിച്ചത്. ശാരീരിക അസ്വസ്ഥതകളെ തുടർന്ന് പാരിപ്പള്ളി മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു വിനു. 29ന് വർക്കലയിലെ കടയിൽ നിന്ന് കേക്ക് വാങ്ങി കഴിച്ചതായി ബന്ധുക്കൾ പറയുന്നു. വിനുവിൻ്റെ അമ്മയും സഹോദരങ്ങളും സമാനമായ രോഗലക്ഷണങ്ങളുമായി ആശുപത്രിയിലാണ്. പോസ്റ്റ്‌മോർട്ടത്തിന് ശേഷമേ മരണകാരണം വ്യക്തമാകൂവെന്ന് പോലീസ് പറഞ്ഞു.
29ന് വൈകിട്ട് വീടിന് സമീപത്തെ കടയിൽ നിന്ന് കേക്ക് വാങ്ങി കഴിച്ചുവെന്നും തുടർന്ന് വയറുവേദന ഉൾപ്പെടെയുള്ള ശാരീരിക അസ്വസ്ഥതകൾ അനുഭവപ്പെട്ടതായും ബന്ധുക്കൾ പറഞ്ഞു. ആദ്യമൊക്കെ ശാരീരികമായ പരാതികൾ പ്രശ്‌നമായിരുന്നില്ല. എന്നാൽ ശാരീരിക അസ്വസ്ഥതകൾ മൂർച്ഛിച്ചതിനെ തുടർന്ന് ഇന്ന് രാവിലെ പാരിപ്പള്ളി മെഡിക്കൽ കോളേജിൽ എത്തിച്ചു. ആശുപത്രിയിലെത്തും മുൻപേ വിനു മരിച്ചതായി ബന്ധുക്കൾ പറഞ്ഞു. സമാനമായ രോഗലക്ഷണങ്ങളോടെയാണ് വിനുവിൻ്റെ അമ്മയും സഹോദരനും സഹോദരിയും ഇവിടെ ചികിത്സയ്ക്കായി എത്തിയത്. അതേസമയം, പോസ്റ്റ്‌മോർട്ടത്തിന് ശേഷമേ മരണകാരണം വ്യക്തമാകൂ എന്നാണ് പോലീസ് പറയുന്നത്.
