പിഡിപി ചെയർമാൻ അബ്ദുൾ നാസർ മദനിയെ ആശുപത്രിയിൽ പ്രവേശിപ്പിച്ചു

പിഡിപി ചെയർമാൻ അബ്ദുൾ നാസർ മദനിയെ ആശുപത്രിയിൽ പ്രവേശിപ്പിച്ചു. കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ച മഅ്ദനി തീവ്രപരിചരണ വിഭാഗത്തിൽ ചികിത്സയിലാണ്. സുപ്രീം കോടതി ജാമ്യ വ്യവസ്ഥയിൽ ഇളവ് നൽകിയതിന് പിന്നാലെയാണ് മഅ്ദനി കേരളത്തിലെത്തിയത്. കഴിഞ്ഞ വർഷം ജൂലൈ 20നാണ് മഅ്ദനി കേരളത്തിലെത്തിയത്.

സുപ്രീം കോടതി വിധിയുടെ പകർപ്പ് കോടതിക്ക് ലഭിച്ചതോടെയാണ് യാത്ര ചെയ്യാൻ അവസരം ലഭിച്ചത്. ബംഗളൂരു വിട്ടുപോകരുതെന്ന ജാമ്യ വ്യവസ്ഥ ഒഴിവാക്കി കൊല്ലം കരുനാഗപ്പള്ളിക്ക് മടങ്ങാൻ സുപ്രീംകോടതി അനുമതി നൽകി. പോലീസിൻ്റെ അനുമതിയോടെ ഇവരെ ചികിത്സയ്ക്കായി കൊല്ലത്തിന് പുറത്തേക്ക് പോകാൻ അനുവദിക്കണമെന്നും സുപ്രീം കോടതി ഉത്തരവിട്ടു.