ബിജെപി ദേശീയ അധ്യക്ഷൻ ജെ.പി. നഡ്ഡ രാജ്യസഭയിലേക്ക്

ന്യൂഡൽഹി: ബിജെപി ദേശീയ അധ്യക്ഷൻ ജെ.പി. നഡ്ഡ രാജ്യസഭയിലേക്ക്. ഗുജറാത്തിൽനിന്നുള്ള സ്ഥാനാർഥിയായാണ് നഡ്ഡ മത്സരിക്കുക. ഗുജറാത്തിൽനിന്നും മഹാരാഷ്ട്രയിൽനിന്നുമുള്ള ഏഴ് സ്ഥാനാർഥികളുടെ പട്ടികയാണ് ബിജെപി ഏറ്റവുമൊടുവിൽ പുറത്തുവിട്ടത്. നഡ്ഡയെക്കൂടാതെ ഗുജറാത്തിൽനിന്ന് ഗോവിന്ദ്ഭായ് ധോലാകിയ, മായൻഭായ് നായക്, ജശ്വന്ത് പർമർ എന്നിവരും മത്സരിക്കും. അടുത്തിടെ കോൺഗ്രസ് വിട്ട് ബിജെപിയിൽ എത്തിയ അശോക് ചവാനും മഹാരാഷ്ട്രയിൽനിന്നുള്ള സീറ്റ് നൽകും. മഹാരാഷ്ട്രയിൽനിന്ന് മേധ കുൽക്കർണ, അജിത് ഗോപ്ചഡെ എന്നിവരും സ്ഥാനാർഥികളാകും. ഫെബ്രുവരി 27നാണ് രാജ്യസഭയിലെ 56 സീറ്റുകളിലേക്ക് തെരഞ്ഞെടുപ്പ് നടക്കുന്നത്.