17 കാരിയായ സഹോദരിയെ ബലാത്സംഗം ചെയ്ത് കൊലപ്പെടുത്തിയ കേസിൽ 19 കാരൻ അറസ്റ്റിൽ

17 കാരിയായ സഹോദരിയെ ബലാത്സംഗം ചെയ്ത് കൊലപ്പെടുത്തിയ കേസിൽ 19 കാരനായ യുവാവ് അറസ്റ്റിൽ. മൊബൈൽ ഫോണിൽ അശ്ലീല വീഡിയോ കണ്ടാണ് പ്രതി സഹോദരിയെ പീഡിപ്പിച്ചതെന്ന് പോലീസ് പറഞ്ഞു. ഉത്തർപ്രദേശിലെ കാസ്ഗഞ്ച് ജില്ലയിലാണ് സംഭവം.

ഫെബ്രുവരി മൂന്നിന് രാത്രിയാണ് കേസിന് ആസ്പദമായ സംഭവം. കൊലപാതകം നടക്കുമ്പോൾ സഹോദരങ്ങൾ വീട്ടിൽ തനിച്ചായിരുന്നു. കുട്ടികളുടെ അമ്മ ബന്ധുവീട്ടിലായിരുന്നു. മൊബൈൽ ഫോണിൽ പോൺ വീഡിയോ കണ്ടതിന് ശേഷം സഞ്ജു തൊട്ടടുത്ത് ഉറങ്ങുകയായിരുന്ന സഹോദരിയെ പീഡിപ്പിക്കുകയായിരുന്നു.

പീഡന വിവരം പുറത്ത് പറയുമെന്ന് ഭയന്ന് സഞ്ജു സഹോദരിയെ കഴുത്ത് ഞെരിച്ച് കൊലപ്പെടുത്തി. പിന്നീട് ഇയാൾ സംഭവസ്ഥലത്ത് നിന്ന് രക്ഷപ്പെട്ടു. പിറ്റേന്ന് ഫെബ്രുവരി നാലിന് ഇരയുടെ അമ്മാവൻ രാധശ്യാം സഞ്ജുവിനെതിരെ പരാതി നൽകി. തുടർന്ന് ഫെബ്രുവരി അഞ്ചിന് പ്രതിയെ പോലീസ് അറസ്റ്റ് ചെയ്തു. ചോദ്യം ചെയ്യലിൽ സഞ്ജു കുറ്റം സമ്മതിച്ചു. സഞ്ജുവിൽ നിന്ന് അശ്ലീല വീഡിയോകൾ അടങ്ങിയ മൊബൈൽ ഫോൺ പിടിച്ചെടുത്തതായി കസ്ഗഞ്ച് പോലീസ് കമ്മീഷണർ സ്ഥിരീകരിച്ചു.