ക്യാൻസർ ഭേദമാക്കാൻ മാതാപിതാക്കൾ ഗംഗയിൽ മുക്കിയ അഞ്ച് വയസുകാരൻ മരിച്ചു
ക്യാൻസർ ഭേദമാക്കാൻ മാതാപിതാക്കൾ ഗംഗയിൽ കുളിപ്പിച്ച അഞ്ചുവയസ്സുകാരൻ മരിച്ചു. ഗംഗയിൽ കുളിച്ചാൽ ക്യാൻസർ ഭേദമാകുമെന്ന് മാതാപിതാക്കളുടെ വിശ്വാസം മൂലം അഞ്ചുവയസ്സുള്ള കുട്ടി മരിച്ചു. സംഭവം അറിഞ്ഞ പോലീസ് ഉടൻ സ്ഥലത്തെത്തി കുട്ടിയെ ആശുപത്രിയിൽ എത്തിച്ചെങ്കിലും കുട്ടി മരിച്ചു.
ബുധനാഴ്ച ഹരിദ്വാറിലെ ഹർകിപൗരിയിലാണ് സംഭവം. ഡൽഹിയിൽ നിന്നാണ് കുടുംബം ഗംഗാതീരത്ത് എത്തിയത്. രക്താർബുദം ബാധിച്ച് ചികിത്സയിലായിരുന്ന അഞ്ചുവയസ്സുകാരന്റെ മാതാപിതാക്കൾ ഗംഗയിൽ കുളിച്ചാൽ അസുഖം മാറുമെന്ന് വിശ്വസിച്ചിരുന്നു. കുട്ടിയെ ചികിത്സിച്ച ഡോക്ടർമാർ നിരാശയോടെയാണ് സംസാരിച്ചത്. അതിനാൽ കുട്ടിയുടെ അസുഖം മാറാൻ ഗംഗയിൽ കുളിപ്പിക്കാൻ മാതാപിതാക്കൾ തീരുമാനിച്ചു. അസുഖം മാറുമെന്ന് ചിലർ പറഞ്ഞതിനെ തുടർന്നാണ് ഗംഗാതീരത്ത് എത്തിയതെന്ന് കുടുംബം പോലീസിനോട് പറഞ്ഞു. ഗംഗാ നദിയിൽ മുങ്ങിയതിന് ശേഷം കുട്ടിയുടെ മൃതദേഹം അരികിൽ ഇരിക്കുന്ന അമ്മയുടെ വീഡിയോ സോഷ്യൽ മീഡിയയിൽ വൈറലായിരുന്നു. വീഡിയോയിൽ അമ്മ പറയുന്നത് കാണാം: “കുഞ്ഞ് ഉടൻ ഉണരും, അത് എന്റെ ഉറപ്പാണ്.” പരാതിയിൽ പോലീസ് അന്വേഷണം ആരംഭിച്ചു.
