ഫുഡ് ഫെസ്റ്റും ബോധവൽക്കരണവും .
കടലുണ്ടി: ഗവൺമെൻറ് എൽപി സ്കൂൾ വട്ടപ്പറമ്പിൽ ഫുഡ് ഫെസ്റ്റും ബോധവൽക്കരണ ക്ലാസ്സും സംഘടിപ്പിച്ചു. കോഴിക്കോട് ബ്ലോക്ക് പഞ്ചായത്ത് അംഗം രേഷ്മ വെള്ളായിക്കോട് ഉദ്ഘാടനം നിർവഹിച്ചു ചാലിയം കുടുംബാരോഗ്യ കേന്ദ്രം ജെ എച്ച് ഐ ആർ കെ സുരേഷ് കുട്ടികളുടെ ആഹാരവും ആരോഗ്യവും എന്ന വിഷയത്തെ കുറിച്ച് രക്ഷിതാക്കൾക്ക് ബോധവൽക്കരണ ക്ലാസ്സെടുത്തു. ചടങ്ങിൽ പി ടി എ പ്രസിഡണ്ട് കെ രാജീവ് അധ്യക്ഷത വഹിച്ചു. പ്രധാനാധ്യാപിക കെ ബിന്ദു സ്വാഗതം പറഞ്ഞു. സി എം സതീദേവി, എ പ്രമീള,നൗഷാദ് വട്ടപ്പറമ്പ്, കെ ഷനേഷ്, വിദ്യാ രാജേഷ് എന്നിവർ സംസാരിച്ചു.
