എംകെ സാനു സാഹിത്യ പുരസ്കാരം എംടി വാസുദേവന്‍ നായര്‍ക്ക് സമര്‍പ്പിച്ചു
മോഹന്‍ലാല്‍ അഭിനയകലയുടെ ഇതിഹാസമെന്ന പേരില്‍ പ്രഫസര്‍ എം.കെ.സാനു രചിച്ച പുസ്തകം കൊച്ചിയില്‍ പ്രകാശനം ചെയ്തു.പ്രൊഫസര്‍ എംകെ സാനു സാഹിത്യ പുരസ്കാരം എംടി വാസുദേവന്‍ നായര്‍ക്ക് സമര്‍പ്പിച്ചു. കൊച്ചിയില്‍ നടന്ന ചടങ്ങില്‍ നടന്‍ മോഹന്‍ലാല്‍ പുരസ്‌കാര സമര്‍പ്പണം നടത്തി.പ്രായാധിക്യത്തിന്‍റെ അവശതകള്‍ക്കിടയിലും പ്രഫസര്‍ എം.കെ.സാനു മോഹന്‍ലാലിന്‍റെ കഥാപാത്രങ്ങളെ വിശകലനം ചെയ്ത് തയാറാക്കിയതാണ് മോഹന്‍ലാല്‍ അഭിനയകലയുടെ ഇതിഹാസമെന്ന പുസ്തകം
എംകെ സാനുമാഷ്, മോഹന്‍ലാല്‍, സത്യന്‍ അന്തിക്കാട്, എം ജയചന്ദ്രന്‍ തുടങ്ങിയ അതുല്യപ്രതിഭകളാല്‍ സമ്പന്നമായിരുന്നു പുരസ്‌കാരദാന ചടങ്ങ്. എംടി വാസുദേവന്‍ നായര്‍ക്ക് വേണ്ടി സുഹൃത്താണ് നടന്‍ മോഹന്‍ലാലില്‍ നിന്ന് പുരസ്കാരം ഏറ്റുവാങ്ങിയത്.പ്രഫ. എം.കെ.സാനുവിന്റെ പേരിലുള്ള പുരസ്കാരം എം.ടി.വാസുദേവൻ നായർക്ക് അദ്ദേഹത്തിന്റെ അഭാവത്തിൽ മോഹൻലാൽ സമർപ്പിച്ചു. എം.ടി.വാസുദേവൻ നായർക്കായി അദ്ദേഹത്തിന്റെ പ്രതിനിധിയാണു പുരസ്കാരം ഏറ്റുവാങ്ങിയത്
