മണിപ്പൂരിൽ വീണ്ടും സംഘർഷം
മണിപ്പൂരിൽ വീണ്ടും പോരാട്ടം ആരംഭിച്ചു. ചുരാചന്ദ്പൂർ അതിർത്തിയിൽ കുക്കി സായുധ സംഘവും മെയ്തേയ് സംഘവും തമ്മിൽ ഏറ്റുമുട്ടലുണ്ടായി. ഈ വെടിവെപ്പിൽ നാല് പേർ കൊല്ലപ്പെട്ടു. നിരവധി പേർക്ക് പരിക്കേറ്റു. അതിനിടെ ബിഷ്ണോപൂരിൽ നാലുപേരെ കാണാതായി.
മണിപ്പൂരിലെ വിവിധ സ്ഥലങ്ങളിൽ ഇന്നലെ രാത്രിയും ഇന്നു പുലർച്ചെയുമായി ഏറ്റുമുട്ടലുണ്ടായി. അതിർത്തി പ്രദേശങ്ങളായ ബിഷ്ണുപൂർ, ചുരാചന്ദ്പൂർ എന്നിവിടങ്ങളിലായിരുന്നു വെടിവെപ്പ്. ചുരാചന്ദ്പൂരിൽ കുക്കി വിഭാഗവും മൈതേയ് വിഭാഗവും തമ്മിലുണ്ടായ ഏറ്റുമുട്ടലിൽ നാല് പേർ കൊല്ലപ്പെട്ടു. മെയ്തേയ് സമുദായത്തിൽപ്പെട്ടവരാണ് മരിച്ചത്.
