ഗോവയിൽ നാല് വയസ്സുള്ള മകനെ കൊലപ്പെടുത്തിയശേഷം സ്റ്റാർട്ടപ്പ് സിഇഒ ആയ സുചന സേത്ത് ആത്മഹത്യയ്ക്ക് ശ്രമിച്ചെന്ന് റിപ്പോർട്ട്
ഗോവയിൽ നാല് വയസ്സുള്ള മകനെ കൊലപ്പെടുത്തിയശേഷം സ്റ്റാർട്ടപ്പ് സിഇഒ ആയ സുചന സേത്ത് ആത്മഹത്യയ്ക്ക് ശ്രമിച്ചെന്ന് റിപ്പോർട്ട്. നാലുവയസ്സുള്ള കുട്ടിയെ തലയണ ഉപയോഗിച്ച് ശ്വാസം മുട്ടിച്ച് കൊന്നതായി റിപ്പോർട്ട്. കഴുത്ത് ഞെരിച്ചതിന്റെ ലക്ഷണങ്ങളൊന്നും കുട്ടിയിൽ ഉണ്ടായിരുന്നില്ല. മൂക്കിലെ ഞരമ്പുകൾ വീർക്കുന്നു. തലയിണയോ തുണിയോ മറ്റോ ഉപയോഗിച്ച് കുട്ടിയെ കഴുത്ത് ഞെരിച്ച് കൊലപ്പെടുത്തിയതാകാമെന്ന് പോസ്റ്റ്‌മോർട്ടം നടത്തിയ ഡോക്ടർ അഭിപ്രായപ്പെട്ടു.
ജനുവരി ആറിന് മകനോടൊപ്പം വിമാനത്തിൽ ഗോവയിൽ എത്തിയ സുചന രണ്ട് ദിവസത്തിന് ശേഷം ഹോട്ടലിൽ നിന്ന് ചെക്ക്ഔട്ട് ചെയ്യാൻ തീരുമാനിച്ചു. യുവതി വളരെ വ്യഗ്രതയിലായിരുന്നുവെന്ന് ഹോട്ടൽ ജീവനക്കാർ പറഞ്ഞു. തനിക്ക് ബെംഗളൂരുവിലേക്ക് ഒരു ടാക്സി ബുക്ക് ചെയ്യാൻ ഹോട്ടൽ ജീവനക്കാരോട് യുവതി അഭ്യർഥിച്ചു.എന്നാൽ, സമയലാഭത്തിന് വിമാനത്തിൽ യാത്ര ചെയ്യാൻ ഹോട്ടൽ റിസപ്ഷനിസ്റ്റ് ഉപദേശിച്ചെങ്കിലും റോഡ് യാത്ര മതിയെന്ന് അവർ നിർബന്ധിക്കുകയായിരുന്നുക്യാബിന്റെ വിവരം ശേഖരിച്ച പൊലീസ് ഡ്രൈവറെ ബന്ധപ്പെട്ട് യുവതിയുമായി അടുത്തുള്ള പൊലീസ് സ്റ്റേഷനിലേക്ക് രഹസ്യമായി എത്താൻ ആവശ്യപ്പെട്ടു. ചിത്രദുർഗയിലെ പൊലീസ് സ്റ്റേഷനിലേക്ക് ക്യാബ് ഡ്രൈവർ യുവതിയെ എത്തിച്ചു. പരിശോധനയിൽ പൊലീസ് കുട്ടിയുടെ മൃതദേഹം ബാഗിൽ നിറച്ച നിലയിൽ കണ്ടെത്തി. യുവതിയുടെ അറസ്റ്റും രേഖപ്പെടുത്തി.
