ശ്രീകുമാരൻ തമ്പിയുടെ സഹോദരി തുളസി ഗോപിനാഥ് അന്തരിച്ചു

കവിയും ചലച്ചിത്രസംവിധായകനുമായ ശ്രീകുമാരൻ തമ്പിയുടെ സഹോദരി തുളസി ഗോപിനാഥ് (തുളസീഭായി തങ്കച്ചി) അന്തരിച്ചു. 72 വയസ്സായിരുന്നു. ഹരിപ്പാട്ട് കരിമ്പാലേത്ത് ഭവാനിക്കുട്ടി തങ്കച്ചിയുടെയും തോനയ്ക്കാട്ട്കളരിക്കൽ കൃഷ്ണപിള്ളയുടെയും മകളാണ് തുളസി ​ഗോപിനാഥ്. പി & ടി വകുപ്പിന്റെ മുൻ അസിസ്റ്റന്റ് ഡയറക്ടർ കെ.ഗോപിനാഥൻ നായർ ആണ് ഭർത്താവ്.

നോവലിസ്റ്റും അഭിഭാഷകനുമായ പരേതനായ പി.വി.തമ്പി. മുൻ ഡയറക്ടർ ജെനറൽ ഓഫ് പ്രോസിക്യൂഷൻ പരേതനായ അഡ്വക്കേറ്റ് പി.ജി.തമ്പി , ഒറാക്കിളിന്റെ മുൻ വൈസ് പ്രസിഡന്റ് പ്രസന്നവദനൻ തമ്പി എന്നിവരാണ് മറ്റു സഹോദരന്മാർ. സംസ്കാരം ഇന്ന് (ശനിയാഴ്ച) വൈകിട്ട് നാലുമണിക്ക് തൈക്കാട് ശാന്തികവാടത്തിൽ.മൻമോഹൻ തമ്പി( ഒപ്റ്റിവ ഐ.ടി.കമ്പനി- ഇന്ത്യയിലെ മേധാവി) ജയ്മോഹൻ തമ്പി ( ഐ.ടി.കമ്പനി,സിംഗപ്പൂർ) എന്നിവർ മക്കളാണ്. പരേതയായ രശ്മി തമ്പി, മേബൽ( സിംഗപ്പൂർ)എന്നിവരാണ് മരുമക്കൾ.