പ്രധാനമന്ത്രി ഇന്ന് തൃശ്ശൂരിൽ
പ്രധാനമന്ത്രി നരേന്ദ്രമോദി ഇന്ന് കേരളത്തിലെത്തും. ഉച്ചയോടെ കൊച്ചിയിലെത്തുന്ന പ്രധാനമന്ത്രി തുടർന്ന് തൃശ്ശൂരിലേക്ക് പോകും. പ്രധാനമന്ത്രിയെ വരവേൽക്കാനുള്ള ഒരുക്കങ്ങൾ മുറുകിയ താളത്തിലാണ്. ഉച്ചയ്ക്ക് രണ്ടരയോടെ ജനറൽ ആശുപത്രി പരിസരത്തുനിന്ന്‌ റോഡ് ഷോ തുടങ്ങും.പ്രധാനമന്ത്രിയെ സ്വീകരിക്കാനുള്ള ഒരുക്കങ്ങൾ തൃശ്ശൂരിൽ പൂർത്തിയായി. നഗരത്തിലും പ്രധാനമന്ത്രി വരുന്ന വഴികളിലും മൂവായിരത്തിലധികം പോലീസുകാരെ വിന്യസിക്കും
നടി ശോഭന, പി.ടി. ഉഷ തുടങ്ങിയവരുൾപ്പെടെ സ്ത്രീകൾക്കായിരിക്കും വേദിയിൽ മേൽക്കൈ. സദസ്സിൽ ഏറ്റവും പിറകിലായിരിക്കും പുരുഷന്മാരായ പ്രവർത്തകർക്കുള്ള സ്ഥാനം. വൈകീട്ട് നാലരയോടെയാണ് മഹിളാസമ്മേളനം അവസാനിക്കുക.ഏഴ് ജില്ലകളിൽ നിന്നുള്ള രണ്ട് ലക്ഷം വനിതകൾ സമ്മേളനത്തിന്റെ ഭാഗമാകുമെന്ന് ബിജെപി അറിയിച്ചു. തൃശ്ശൂർ നഗരത്തിന്റെ സുരക്ഷ എസ് പി ജി ഏറ്റെടുത്തിട്ടുണ്ട്. പരിപാടി റിപ്പോർട്ട് ചെയ്യുന്നതിന് മാധ്യമങ്ങൾക്കും നിയന്ത്രണമേർപ്പെടുത്തിയിട്ടുണ്ട്.
